२ पत्रुस 3:10 - थुलुङ राई

¹⁰ लावो ङाचो़ योमिमिम मेरामनेम खुचु़वा होङङा मेमिम्‍मा नेम रो। पाह्री डोक्‍पु लो़लामका येमा दाम, मेगोडा बाट्‌पा खोत्‍ले मुका ख्‍यामी। सुबु नुङ सुबुडा बाट्पा खोत्‍ले पुयु़लुमी।

२ पत्रुस 3:10 Iomraidhean Croise

मत्ती 24:35

सुबु नुङ धामु दाम्‍मा ल, लावो आमा सिजेम हेल्‍लो वो मेदाम।

मर्कूस 13:31

सुबु नुङ धामु दाममा ल, लावो आमा सिजेम ने हाम्‍सी वो मेदाम।

लूका 12:39

लावो ओराम ल्‍वा चन्‍जो़ल्‍नी, बाम थारीका खुचु़वा रो र्‍वाक्‍साका चवाम माला ने नेमकु ङाउका खुचु़वालाई नेम पिमु ङा मेग्‍वाकु़वा।

रोमी 8:20

हेङालोने प्रङसिट्‍पा ने हाम ना हामकाम दु़स्‍ताम बाइडा। लावो आरे दु़स्‍ताम ने उ त्‍वाप ङा दु़स्‍ताम मेएँ। प्रङ्स्‍ताम ल्‍वामिमका हाम हुम लन्‍थामिनु़ र्‍वाक्‍साका माम्‍चु़नीका आरे बेम्‍डिम बाइडा।

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

१ थेसलोनिकी 5:2

हेङालोने खुचु़वा सिन्‍था रोमिम होङङा चमवो मेलु़मिमनेम ङाचो़ येशू योमी र्‍वाक्‍पा गानी जो़होमका चनी।

१ थेसलोनिकी 5:4

लावो वा-ल्‍वाकनी, गानी तुकुम्‍चिम होप्‍माम ओराम सु़म्‍दिसेरडाम मु़चु़ मेएँ। मेम्‍मिमका खुचु़वा रोलो होङङा ङाचो़ येशू योमिलो ङाङाया मेदु़म्‍नी।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

२ पत्रुस 3:12

माम्‍चु़नी योमिमिमनेम गानी लन्‍थानी, मा मेराम थारी दालाङा रोबेन्‍मु माल्‍नी। मेनेम पाह्री मुका छो़रो़प दु़म मा मेसिन्‍डा बाट्‌पामिम खोत्‍ले मुसामका पिलियोमी।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 21:1

मेम्‍मा लाले सुबु नुङ लाले पाह्री गो ल्वाउतो, हेङालोने ङादोम सुबु नुङ ङादोम पाह्री दाम्‍स्‍ल्‍याड्‌डाम बाइडा मा दिरिदिन वो मेबायावा।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।

रेम्‍बेट्‌मिडिम ल्‍वा 6:14

धामु ने भेन्‍दाकु कोक्‍ते खाजेम दिल्‍सीमिम होङङा दाम्‍स्‍ता, मेम्‍मा खोत्‍ले पोप्‍चङ नुङ टापुमिम त्‍वाकु बाखोपलामका वाङथो़ङा लम्‍डी।