२ पत्रुस 3:1 - थुलुङ राई

¹ द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।

२ पत्रुस 3:1 Iomraidhean Croise

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

२ कोरिन्‍थी 13:2

गो ङादो नकखेपमिम खेपडा गानीनुङ बाङडोलो गानीलाई ङिम साट्‌निनिम बाइडा। ओम्‍लो गानीनुङ मेबुङु लोवो मेरामङा ल्‍वा र्‍वाङु: गो आथावो रोङुलो ङादो छु़ल बेपामिम सु़लाई लोवो गो मेडिट्‍पुमी।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

हिब्रू 6:9

द्‌वादीबुङ वा-ल्‍वाकनी, गुकु आरेसाका र्‍वाकु लोवो गानीडला आरेप्‍माम दु़म र्‍वाक्‍साका थो़र मेबोकु। लावो गानी सेल्‍सिनी मा हापा जो़पा ल्‍वामिम ल्‍वानी र्‍वाक्‍साका थो़र बोकु।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

२ पत्रुस 3:8

लावो द्‌वादीबुङ ङोप्‍सो़नी, ओराम कोले ल्‍वा गानी मेप्‍ल्‍वानी: ङाचो़काम लागि कोलेम को धु़मसङ थ (१,०००) मा को धु़मसङ थ कोलेम होप्‍मामङा बु।

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।