२ पत्रुस 2:7 - थुलुङ राई

⁷ माम्‍चु़नीका उनी न होप्‍माम लोतलाई फ्‍वाक्‍मिडी। डु़म्‍ला होम्‍साका मेदोपा मु़चु़मिमकु घ्राम्‍लु़पा बेसी-दोसीडाम गु उ न नो़पा बाइडा।

२ पत्रुस 2:7 Iomraidhean Croise

१ कोरिन्थी 10:13

मु़चु़मिमडला दु़म्‍पा न छाम्‍सीडाम वाङमिम न छाम्‍सीडा गानी दु़म्‍निम मिबु। माम्‍चु़नी थो़रलु़इमिम बुमी, गुमीका गानी इम्‍मु चाम्‍निमिमडाम हापा न छाम्‍सी रोमेबेन्‍मी। गानी इम्‍मु चापा दु़म्‍नी र्‍वाक्‍साका गानीलाई न छाम्‍सीलामका लुक्‍पा लाम्‍दी वो रेम्‍बेनिमी।

२ पत्रुस 2:18

मेर्मिमका हाम ना हामकाम ल्‍वाडा डोक्‍पु लिम्‍सिमी। मेर्मिमकु क्रो़मलु़पा मेजो़पा नका मेजो़पा लाम्‍दीलाम मालो स्‍वामु चो़म्‍पा मु़चु़मिमलाई ने कोक्‍साका छु़लथो़ वाम्‍बेन्‍मी।

२ पत्रुस 2:2

हापा मु़चु़मिमका मेर्मिमकु क्रो़मलु़पा लाम्‍दी लाम्‍दिमी मा आच्‍छाङाकु लाम्‍दीकु दुथाम मु़चु़मिमका मेजो़पा र्‍वामी।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।