२ पत्रुस 2:6 - थुलुङ राई

⁶ गुमीका सदोम नुङ गमोरा शहरलाई देन्‍दे ग्‍वाक्‍साका बुलु़ वाबेट्‌मिडी मा फोका बनेम्‍डी। मेम्‍मा माम्‍चु़नीकु लाम्‍दीडा मेलाम्दिपा मु़चु़ हे दु़म र्‍वाक्‍पा मेराम रेम्‍बेम्‍डी।

२ पत्रुस 2:6 Iomraidhean Croise

मत्ती 10:15

आच्‍छाङा गो गानीलाई र्‍वाङु, माम्‍चु़नीका निया बोमिमिमनेम सदोम नुङ गमोरा शहरडाम छु़ल बेपा मु़चु़मिमका ल्‍वापाडाम वो इम्‍मु मेझापा देन्‍दे मेराम शहरडाम मु़चु़मिमका ल्‍वामी।

मत्ती 11:23

ए कफर्नहुम शहरडाम मु़चु़नी, हाम गानी पाह्रीथो़ कोसिन्‍कु र्‍वाक्‍पा मिम्‍नी? गानी ने खादीगोयु़ डन्‍सिनी। हेङालोने गानीगोडा बेउतोम यु़मखारीमिम सदोम शहरडाम मेजो़पा मु़चु़मिमगोडा बेउवा माला मेर्मिम ओम्‍लोसम्‍म वो दु़म्‍मिवा।

रोमी 9:29

यशैयाका ओराम ल्‍वा वो ङादोङा सो़यु़डु़म बु, “खोत्‍लेडाम डोक्‍पु यु़मनुङमा मिप्रङमाका इकीमा लागि कोङनिम चो़-चु़सु़मिम मेजु़ल्‍मिवाम माला ने गुइ सदोम नुङ गमोराडाम मु़चु़ होप्‍माम दु़म्‍सिवा।”

१ कोरिन्थी 10:11

मेर्मिम मु़चु़डला हा-हाम दु़स्‍ताम मेर्मिम खोत्ले चङचङया बाबेट्‍पा ल्‍वामिम सो़। मेर्मिम ल्‍वालामका गुइलाई चङचङया बाबेन्‍मु लागि र्‍याक्‍मा बाइडा, हेङालोने गुइ सु़म्‍दिसेरकु हुक्‍पा थारीडा रोम्‍थिमु खाप्‍डिम बु,

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।