२ पत्रुस 2:19 - थुलुङ राई

¹⁹ मेर्मिमका उनी त्‍वापङा त्‍वापलाई पुयु़लुबेट्‌पा बादु़खाम नुङ छु़ल गोडा बुमी लावो मु़चु़मिमलाई ने मेरामलामका वाङ बेपा याचे जेमी।

२ पत्रुस 2:19 Iomraidhean Croise

यूहन्‍ना 8:34

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, छु़ल बेपा खोत्‍ले मु़चु़ ने छु़लका र्‍वामिम होङ्‍ङा बेपा डु़ल्‍चो़ होप्‍माम सो़।

थु़र्मा 19:16

मेकोतिमा मे मुनाङपेलका हुपा मु़चु़ मेर्मिमडला प्रोक्‍तो रोक्‍तामा मेर्मिम खोत्‍लेलाई घ्‍ल्‍वास्‍तु़मिमा लेब्‍बोक्‍तु़मी। मेर्मिम मेराम नेमलामका खालिन्‍ते नुङ पारनुङमा दु़म्‍मिडिमा स्‍वाम्‍डी।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

२ तिमोथी 2:26

मा मेर्मिमकु न छ्‌यासी, मा शैतानकु पेरडाम लुमिमा स्‍वामी, उहेमका मेर्मिमलाई उमा न होम्‍साका दोमु बथाडु़मिम बु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ पत्रुस 2:16

गानी फ्‍वाक्‍मा बुनी मा वो माम्‍चु़नीकु डु़ल्‍चो़ गानी बुनी। मेम्‍मिमका फ्‍वासिङ्‌डोम बु र्‍वाक्‍साका मेजो़पा खारी मेबेनी।

२ पत्रुस 1:4

मेलामका छो़म डोक्‍पु नुङ हापा थिकाम उनी याचेजेसीमिम गुइलाई ग्‍वाक्‍साड्‌डामिम बु। मेम्‍मा मेरामलामका गानी माम्‍चु़नी हेप्‍माम बुमी मेप्‍मामङा दु़म्‍नी मा मेजो़पा नका बेबेद्‌वाक्‍पा सु़म्‍दिसेरडाम मेजो़पा बेसीलामका प्लु़सिमु चाम्‍नी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।