२ पत्रुस 2:10 - थुलुङ राई

¹⁰ मेजो़पा न होङङा बोमु माल्‍बाल्‍पा मा माम्‍चु़नीकु साखामलाई हाम होङङा वो मेलु़पा मु़चु़मिमका ने छो़म देन्‍दे ल्‍वामी। मेर्मिम मु़चु़ मेङिपा नुङ डोक्‍पु लिसिक्‍पा दु़म्‍मी मा पाह्रीलाम यु़मचो़मिमलाई वो डक्‍साका जेमु मेङिमी।

२ पत्रुस 2:10 Iomraidhean Croise

लूका 11:25

मेम्‍मिमका मे मुनाङपेल ख्‍लोसिमा रोलो जो़होम बेम्‍थाट्‌मा नेम होप्‍माम मे मु़चु़कु नगो डार्रु़।

लूका 19:14

“लावो उ नेब्‍दीडाम मु़चु़मिमका गुलाई मेद्‌वाम्‍थाल्‍मिवा। मेम्‍मा होनोवाम नेब्‍दीडा आरे र्‍वाप्‍डा सेलाचो़मिमलाई थु़र्मिडी, ‘ओराम मु़चु़ आकी हप दु़म्‍मु मेबासी सो़।’

थु़र्मा 23:5

मेकोतिमा पावलका र्‍वाक्‍ता, “वा-ल्‍वाकनी, गुमी डोक्‍पु ङाउ डु़म्‍लाचो़ र्‍वाक्‍पा गो चक्‍तोम मेबायावा। हेङालोने माम्‍चु़नीकु सिजेमडा आरेसाका र्‍वाक्‍मा बु, ‘त्‍वाकु मु़चु़मिमकाम साखामचो़कु कोर्थो़लाम जेसी मेनु़’।”

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

१ कोरिन्थी 6:9

रु़चो़मिमका माम्‍चु़नीकु किब्‍दी मेल्‍वामी र्‍वाक्‍पा हाम गानी मेचनी? नेप्‍ची मान्‍थिम मेदु़म्‍नी। सु़नुङ लोवो अम्‍बाल्‍पामिम दु़म्‍नु़का, ङाटा सेव साट्‌पामिम, नाम्‍सु़रु़ बेपामिम, छो़लो़सापमिम, वोस्‍चो़का वोस्‍चो़नुङ अम्‍पामिम,

२ कोरिन्‍थी 10:3

गुइ सु़म्‍दिसेरडा बुइ लोवो सु़म्‍दिसेरडाम मु़चु़मिमका होङङा गुइ क्‍वाल्‍बा बिइहोम मेबुइ।

एफिसी 4:19

मेर्मिमकाम उनी लाजी प्‍वामु दु़स्‍तु़मका, मेजो़पा खारी बोमुडा उनी न-गो ग्‍वाम्‍डिम बु। मेर्मिमका खोत्‍ले खालकाम मिरो़मका बोमु माल्‍पा घ्रामलु़पा खारी बेपा नुङ रारीचो़ दु़म्‍साका बुमी दोमी।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

यहूदा 1:10

लावो ओर्मिम मु़चु़का उनी त्‍वाकाङा मेचमिमिम सेम्‍ला बेन्‍मी। न मेबाट्‌पा हादी-बारामिम होङङा मेचक्‍साका बोमिमिम खारीलामकाङा मेर्मिम छो़रो़प दु़म्‍मी।

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।

यहूदा 1:18

मेर्मिमका र्‍वाम्‍डिम बाइडा, “हुक्‍पा थारी रोम्‍फामु खाप्‍डु़मिम बिलि सेम्‍ला बेट्‌पा मु़चु़मिम मेजो़पा उनी न होङङा दोमी।”

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।