२ पत्रुस 1:7 - थुलुङ राई

⁷ माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

२ पत्रुस 1:7 Iomraidhean Croise

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

कलस्‍सी 3:14

ओर्मिम खोत्‍लेडलाम रिखाम काप्‍तो लक्‍नी। रिखामङा ओर्मिम खोत्‍ले ल्वालाई जो़होमका कोले बेसाका बट्‍पा रिवा सो़।

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ पत्रुस 2:17

खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।

१ पत्रुस 3:8

हुम-दडा, गानी खोत्‍ले कोले नकाम दु़म्‍साका बानी। कोलेका कोङमीकु दु़खाडा रेम्‍बेबेपा दु़म्‍नी, वा-ल्‍वाकलाई होङङा रिखाम बेबेनी, न-थो़मनुङमा दु़म्‍नी, मा याक्‍के दु़म्‍नी।

१ यूहन्‍ना 3:14

येशूडा थो़रलु़पा इकीमा वा-ल्‍वाकमिमलाई गुइ रिखाम बिइडी माला सिमुलामका हेल्‍लो वो मेसिपा त्‍वारो़मडा रोक्‍तिम बु र्‍वाक्‍पा छे। लावो उहेम मु़चु़का रिखाम मेबु़ मेराम आथावो सिमुलामगोडाङा बु।

१ यूहन्‍ना 3:16

ख्रीष्‍टका उनीमा साम इकीमा लागि फ्‍याम्‍डी, मेराम गुइ मिम्‍डिलो रिखाम र्‍वाक्‍मा हाम मेराम थेसिथेडी। गुइ थो़रलु़पा वाङमिम वा-ल्‍वाकमिमकाम लागि इकीमा साम फ्‍यामु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।