२ पत्रुस 1:15 - थुलुङ राई

¹⁵ गो सिङुमिम चङडा वो ओराम ल्‍वा इनी नडा हेल्‍लो लोवो गानी मिम्‍थाट्नी र्‍वाक्‍साका आ चाप्‍सी बेउ।

२ पत्रुस 1:15 Iomraidhean Croise

लूका 12:58

निया बेसाक्‍पा मु़चु़काडा मेरोक्‍थिट्‌थु़म ङा इनीमा नङडा मुद्दा ग्‍वाक्‍पा मु़चु़नुङ न-थो़म घ्रो़मबेट्‌नी। मेम मेबेनिवा माला ने मेरामका गानीलाई हेका लोवो निया बेसाक्‍पा मु़चु़काडा लनी, मा मे निया बेसाक्‍पाका गानीलाई झ्‍यालखानडाम डोक्‍पु मु़चु़काडा लनी, मा मेरामका गानीलाई झ्‍यालखानगोनो चनी।

लूका 9:31

मेर्चिप पाह्रीलाम यु़म-झ्‍वाक्‍सीडा रेम्‍बेसिक्‍ची, मा यरूशलेमडा येशू सिमिमिमकु दुथाम सो़त्तोङा लेच्‍ची।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

हिब्रू 11:4

थो़रकाङा हाबिलका माम्‍चु़नीलाई कयिनका ग्‍वाक्‍तु़मडाम जो़पा सासेसी ग्‍वाक्‍तु़। हाबिलकु ग्‍वा-ग्‍वाका माम्‍चु़नी गेर्सिद्‌वाम्‍डिलो थो़रकाङा हाबिल गुमीका द्‌वाम्‍डिम मु़चु़ र्‍वाम्‍डी। मेम्‍मा गु सिल्‍याड्‌डा लोवो थो़रकाङा गुका आथावो सीडु़मी।

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।