२ यूहन्‍ना 1:4 - थुलुङ राई

⁴ माम्‍चु़नी पापका बेबेसाड्‌डामिम होङङा कोङनिम इनीमा चो़मिम आच्‍छाङाकाम ल्‍वाडा लाम्‍दित्तोङा बोमिमिम डार्तोमी मा गो छो़म गेर्सी द्‌वाङडोम बु।

२ यूहन्‍ना 1:4 Iomraidhean Croise

१ कोरिन्थी 13:6

रिखाम मेजो़पा ल्‍वाडा मेगेर्सी, लावो आछाङाकाम ल्‍वाडा गेर्सी।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

फिलिप्‍पी 4:10

गानी हापा चङडा आथावो आमा मिम्‍ताम बेन्‍निमका ङाचो़ येशूडा गो छो़म भ्रङसिङु। आच्‍छाङा, ङादो वो गानी आमा दुथाम हेल्‍लो लोवो मिम्‍ताम बेन्‍निम ङा बान्‍नी, लावो गोलाई ख्‍लो़मु जो़पा थारी मेडार्निवा।

१ यूहन्‍ना 2:6

उहेमका गुमीडा बुङु र्‍वा गु येशू बाम्‍डिम-दोम्‍डिम होम्‍साका बुमु-दोमु बासी।