3 गुकु थो़बेन्कुमिम जो़पा-सेला कोङनिमलामका थसिक्पा बु माला पुयु़लुक्पामिमकाम लागि कोङङा थसिक्पा बु।
मेकोतिलोङा येशूका र्वाम्डी, “पाआ, सुबु नुङ पाह्रीकाम मिप्रङमा, गो गानीलाई आलासो़ ग्वानिनी। हेङालोने थेट्पा नुङ नेप्चीनुङमा मु़चु़मिमडाम थक्साका जु़ल्निम ल्वा चो़च्चो़ होप्माम मु़चु़मिमकाडा रेम्बेन्नी।
मु़चु़मिमका थक्साका जु़ल्मिडिम ल्वा ने माम्चु़नीका निया बोमिमिम नेम खोत्ले मु़चु़मिमगोडा येशू ख्रीष्टलाम रेम्बोमी। ओर्मिम ल्वा गो दो़उतोम जो़पा-सेला होप्माम ङा दु़म।
पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्सिक्पामिमकाम लागि ओराम माम्चु़नीकु यु़म सो़।
मेमङा लोवो गुकु डोक्पु थो़रनुङमा मु़चु़मिम गोडा नेप्चीकु दुथाम जेकु, लावो ओराम सु़म्दिसेरडाम नेप्ची मेएँ मा ओराम सु़म्दिसेरडाम साखामचो़मिमकु नेप्ची वो मेएँ, मेर्मिमकु नेप्ची ने दाम्मा लल्या।
ख्रीष्टकु दुथाम जो़पा-सेला थो़बेड्डा गो त्रोआस शहरडा रोङडोलो ङाचो़का आमा लागि लाम्चोको होल्साङ्डिमिम बाइडा।
मेराम थारीका इस्राएलडाम मु़चु़मिमकाम थेसीथेट्पा न हुप्मा बाइडा। आथाल-दिका वो माम्चु़नीकु ङादोम सो़रख्रेप्सी डान्मिलो मेर्मिमका थेसिमेथेन्मी। मेर्मिमका ख्रीष्टडा थो़र लु़साका कोङङा उनीमा नडा हुप्मा ल्वा पार्सी मा थेसिथेन्मु चाम्मी।
मेर्मिमकु दुथाम र्वाकी माला, माम्चु़नीकु ङाली बुमिम ख्रीष्टकु यु़म-झ्वासिक्पा जो़पा-सेलाकु ओल मेर्मिमका मेल्वामिनु़ र्वाक्साका ओराम सु़म्दिसेरडाम नो़पका थो़रमेलु़पा मु़चु़मिमकु न ब्लो़प्साड्डु़मिम बु।
हेङालोने गानीलाई गुकु थो़बेत्तोकोम जो़पा-सेला ने ल्वा कोङङा मेएँ। लावो ओराम ने यु़मनुङमा नुङ माम्चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।
ओराम सीसि आलाकाम इकीमा माम्चु़नीलामका योक्ताम बु। गुमीका गोलाई ओराम यु़मनुङमा सीसि सीमु ग्वाङडिमी।