२ कोरिन्‍थी 4:2 - थुलुङ राई

² गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ कोरिन्‍थी 4:2 Iomraidhean Croise

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

रोमी 6:21

मेम बिलि बेन्‍निम खारीकु दुथाम ओम्‍लो इनी क्रो़म लु़, मेराम ल्‍वाका गानीलाई हाम जो़पा बु़डु़ मा? मेर्मिम खोत्‍ले घ्राम्‍लु़पा खारीका ने सिमुलाम रेडु़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

२ कोरिन्‍थी 11:6

गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

२ कोरिन्‍थी 6:8

मु़चु़मिमका डोक्‍पु बोकिमी लोवो याक्‍के बोकिमी लोवो, आकीमा नङ कोमि लोवो डकिमि लोवो गुकु माम्‍चु़नीकु लाले-पाङके बोकु। मु़चु़का गुकुलाई लु-फेलेचो़ बोकिमी, लावो थो़रलु़इमिम बुकु।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

एफिसी 5:12

मेर्मिमका थसिक्‍साका बोमिमिम खारीकु दुथाम सो़मु वो क्रो़म लु़पा बु।