२ कोरिन्‍थी 2:2 - थुलुङ राई

² हेङालोने गो इनीमा न नो़बेत्तो माला गो न नो़बेसाक्‍निनिम गानीडाम वाङमिम सु़का गोलाई गेर्सिबेन्‍ङी मा?

२ कोरिन्‍थी 2:2 Iomraidhean Croise

मत्ती 19:22

लावो मे स्‍वालाका ओराम ल्‍वा थो़स्‍तु़मा उ ङाली डक्‍साका लस्‍ता। हेङालोने मेरामनुङ हापा खाप्‍ची बाइडा।

रोमी 12:15

गेर्सी द्‍वाक्‍पामिमनुङ गेर्सिट्‍नी। ख्रापामिमनुङ ख्राप्‍नी।

१ कोरिन्थी 12:26

कोले अंग नो़डा माला खोत्‍ले अंग नो़मी, कोले अंग डोक्‍पु बेला सो़सिड्‌डा माला खोत्‍लेङा भ्रम्‍सिमी।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

२ कोरिन्‍थी 11:29

कोङनिम मेचापा दु़म माला गो वो मेचापा दु़म्‍ङु। कोङनिम मु़चु़का कोङनिमलाई छु़ल बेबेड्‌डु़ माला गो छोक्‍चोका मु होप्‍मामङा दु़म्‍ङु।

२ कोरिन्‍थी 7:8

गो थु़र्तोम सेलाखाजेमका इनीमा न नो़डा लोवो गो मेखोर्सेङी। गो खोर्सेङ्‌डी लोवो आमा सेलाखाजेमका घरिकोङ इनीमा न नो़बेड्‌डु़ र्‍वाक्‍पा गो चक्‍पु।