२ कोरिन्‍थी 1:3 - थुलुङ राई

³ माम्‍चु़नीकु नङ कोसिनु़। गुमी इकीमा ङाचो़ येशू ख्रीष्‍टकु माम्‍चु़नी, न-थो़मनुङमा पाप, मा न खोत्‍ले बसाक्‍पा माम्‍चु़नी बुमी।

२ कोरिन्‍थी 1:3 Iomraidhean Croise

यूहन्‍ना 10:30

गो नुङ पाप कोलेङा।”

यूहन्‍ना 20:17

येशूका गुलाई र्‍वाम्‍डी, “गोलाई मेजेट्‌ङी, हेङालोने गो पापकाडा ख्‍लोङसिङ्‌डोम मिबु। लावो आमा ल्‍वाकमिमकाडा लक्‍सामा र्‍वाका, ‘गो आमा पाप नुङ इनीमा पापकाडा मा आमा माम्‍चु़नी नुङ इनीमा माम्‍चु़नीकाडा लक्‍तोङा लेट्‌पु’।”

२ कोरिन्‍थी 11:31

ङाचो़ येशूकु माम्‍चु़नी नुङ पापकाम हेल्‍लो लोवो नङ कोसिनु़, गो लिमा मेथेट्‌पु र्‍वाक्‍पा ल्‍वा गुमीका चमी।

२ कोरिन्‍थी 7:6

लावो न-गो जक्‍पा मु़चु़लाई सो हन्‍बेट्‌पा माम्‍चु़नीका तीतस रोक्‍तामलामका आकीमा सो हन्‍बेसाक्‍तिकिमी।

एफिसी 1:17

इकीमा ङाचो़ येशू ख्रीष्‍टकु माम्‍चु़नी, डोक्‍पु पापका माम्‍चु़नी-पेल थु़र्साका गानीलाई ननुङमा दु़म्‍बेनिमिनु़ मा उनी त्‍वाप गानीडा रेम्‍बोमिनु़, मेम्‍साका गुमीलाई गानी जो़होमका छेनी र्‍वाक्‍साका सो़म्‍दी बेउहोम बुङु।

एफिसी 1:3

इकीमा ङाचो़ येशू ख्रीष्‍टकु पाप माम्‍चु़नीलाई आला दु़म्नु़। गुमीका पाह्रीलाम खोममिमडा त्‍वारो़मकु खोत्‍ले जि-वामिम ख्रीष्‍टडा दु़स्तिम गुइलाई ग्‍वाक्‍साड्‍डामिम बु।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

कलस्‍सी 1:3

इनीमा लागि गुकु सो़म्‍दी बोकुलो इकीमा ङाचो़ येशू ख्रीष्‍टकु पाप माम्‍चु़नीलाई हेल्‍लो लोवो आलासो़ ग्‍वाकु।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

२ यूहन्‍ना 1:4

माम्‍चु़नी पापका बेबेसाड्‌डामिम होङङा कोङनिम इनीमा चो़मिम आच्‍छाङाकाम ल्‍वाडा लाम्‍दित्तोङा बोमिमिम डार्तोमी मा गो छो़म गेर्सी द्‌वाङडोम बु।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।