१ तिमोथी 6:3 - थुलुङ राई

³ कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

१ तिमोथी 6:3 Iomraidhean Croise

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ तिमोथी 1:6

कोङ-कोङ मु़चु़मिम ने ओर्मिम खोत्‍ले ल्‍वा डिसाका हाम ना हामकु ल्‍वाडा थाम्‍बाल्‍मिमिम बु।

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।