१ तिमोथी 6:20 - थुलुङ राई

²⁰ तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

१ तिमोथी 6:20 Iomraidhean Croise

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

थु़र्मा 17:18

इपिक्‍युरी नुङ स्‍तोइकी र्‍वाक्‍मा नले समूहडाम नेप्‍चीनुङमा कोङ-कोङ मु़चु़मिम बाम्‍डी। मेर्मिम आच्‍छाङाकाम ल्‍वा नुङ त्‍वारो़मकु दुथाम मिम्‍पा, माल्‍पा मा सीपा दार्शनिक बाम्‍डी। मेर्मिमका पावललाई वाङ-वाङ ल्‍वामिमलाम छो़म खाल्‍मिडी। मेर्मिमगोडाम कोङ-कोङका आरे र्‍वाम्‍डी, “हाम सो़यु़मिम ओ उ न ना थो़म जेपाका?” वाङमिमका र्‍वाम्‍डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्‍गेट्‌पाकु दुथाम सो़यु़डु़म बाइडा।

थु़र्मा 17:21

खोत्‍ले एथेन्‍सडा बाट्‌पामिम नुङ वाङमिम नेब्‍दीलामका एथेन्‍सडा बाप्‍डा रोक्‍पामिमका हेल्‍लो वो मेथो़मिवाम लाले ल्‍वामिम जेमु नुङ थो़मुडा कोङङा नेम्‍ताली न सोम्‍थाल्‍मिडी।

रोमी 1:22

मेर्मिमका उनी त्‍वाप नेप्‍चीनुङमा बुङु र्‍वाक्‍पा मिम्‍मिडी लोवो नेप्‍ची मान्‍थिम दु़म्‍मिडी।

रोमी 3:2

मेर्मिमकाम लागि जो़पा दु़स्‍ताम ल्‍वामिम ने हापाङा बु। खोत्‍लेडाम ङादो माम्‍चु़नीका यहूदीमिमलाई उनी त्‍वाकु सिजेम ग्‍वाम्‍डी।

१ कोरिन्थी 2:6

मेमङा लोवो गुकु डोक्‍पु थो़रनुङमा मु़चु़मिम गोडा नेप्‍चीकु दुथाम जेकु, लावो ओराम सु़म्‍दिसेरडाम नेप्‍ची मेएँ मा ओराम सु़म्‍दिसेरडाम साखामचो़मिमकु नेप्‍ची वो मेएँ, मेर्मिमकु नेप्‍ची ने दाम्‍मा लल्‍या।

१ कोरिन्थी 3:19

हेङालोने ओराम सु़म्‍दिसेरकु नेप्‍ची माम्‍चु़नीकु ङादोडा नेप्‍ची मान्थिम ल्‍वा सो़। माम्‍चु़नीकु सिजेमका वो र्‍वा, “माम्‍चु़नीका मे नेप्‍चीनुङमा मु़चु़मिमकु बाछेन्‍दा लिसीडा चु़म्‍मी।”

कलस्‍सी 2:18

गुकु माम्चु़नीका रेम्बेम्डिम ल्वा ल्‍वात्तोकोम बु र्‍वाम्डिमा त्वापलाई याक्‍के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्‍पु लिसिक्‍पा बेपामिम बुमी। मेर्मिमकु लिमा थेसाका गानी ल्वामु बासिक्‍पा पुरस्‍कार मेदाम्सोक्‍नी। मेर्मिम ने हाम वो मेबाट्‌पा सु़म्दिसेरडाम ल्‍वा रेसाका त्वापलाई डोक्‍पु लिसिक्‍तो बुमी।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ तिमोथी 1:6

कोङ-कोङ मु़चु़मिम ने ओर्मिम खोत्‍ले ल्‍वा डिसाका हाम ना हामकु ल्‍वाडा थाम्‍बाल्‍मिमिम बु।

१ तिमोथी 1:9

डु़म्‍ला जो़पा मु़चु़मिमकाम लागि मेएँ र्‍वाक्‍पा वो गुइ च, लावो डु़म्‍ला होम्‍साका मेदोपामिम, लु़म्‍ला मेबेडिचो़मिम, माम्‍चु़नीकु सो़रलोले मेबेपामिम, मा छु़लचो़मिम, मेसेपा नुङ माम्‍चु़नीलाई डोक्‍पु मेबेपा, माम-पाप नुङ मु़चु़ सेट्‌पामिमकाम लागि,

१ तिमोथी 4:7

माम्‍चु़नीकु सो़रलोले मेदु़म्‍पा नुङ हाम ना हामकु ल्‍वामिमडाम वाङ बाया, मा माम्‍चु़नीकाम कोङङा सो़रलोले बोमु सीसा-चेसा।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

१ तिमोथी 6:14

ङाचो़ येशू ख्रीष्‍ट आथावो योमिमिम थारीसम्‍म गो बेबेट्‌निम ल्‍वा जो़होमका बे मा सु़का वो मेजो़पा ल्‍वा इमा बुइडला उन्‍मु मेल्‍वामिनु़।

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

२ तिमोथी 2:16

हाम ना हामकु ल्‍वामिम नुङ माम्‍चु़नीकु नङ मेकोसिक्‍पा ल्‍वामिमडाम वाङ बाया, हेङालोने ओराम ल्‍वाका मु़चु़मिमलाई माम्‍चु़नीडाम होनोवा दु़म्‍बेडु़मी।

तीतस 1:14

मेम्‍मा यहूदीमिमकाम हाम ना हामकु ल्‍वाडा नुङ येशू ख्रीष्‍टकु दुथाममिम सीसि थो़मु मेद्‌वाक्‍पा मु़चु़मिमका र्‍वामिमिम ल्‍वाडा न मेसोमिनु़।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 3:9

लावो हाम ना हामकु ल्‍वाडा खाल्‍बोमु, पाइमाखाकु दुथाम खाल्‍बोमु नुङ मोशाकु डु़म्‍लामिम होम्‍साका दोमुकु दुथाम रिबुसी किन्‍मुडाम गाना वाङ बाया वो। हेङालोने ओर्मिम ल्‍वा ने हाम ना हामकाम नुङ नेमताबेट्‌पा कोङङा सो़।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।