१ तिमोथी 6:17 - थुलुङ राई

¹⁷ ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

१ तिमोथी 6:17 Iomraidhean Croise

मत्ती 12:32

कोङनिमका मिनीचो़कु कोर्थो़लाम जेमिम ल्‍वा हेम्‍सी, लावो कोङनिमका माम्‍चु़नी-पेलकु कोर्थो़लाम जेस्‍ता माला मेराम ओम्‍लो नुङ दिफुम थारीका वो मेहेम्‍सी।

मत्ती 19:23

मेकोतिमा येशूका उनी सीसिपामिमनुङ र्‍वाम्‍डी, “आच्‍छाङा गो गानीलाई र्‍वाङु, पाह्री-किब्‍दीडा खाप्‍चीचो़ हुमु छो़म छो़।

मत्ती 25:16

“ङोले सो़नाकु खउलुङ ल्‍वापा डु़ल्‍चो़का लस्‍तामा ब्‍यापार बोमु चो़म्‍ल्‍याड्‌डु़। मेम्‍मा ङोलेङा हापा खउलुङ डु़प्‍डु़।

मत्ती 27:57

ने-नेम्‍थाका अरिमाथिया शहरडाम योसेफ नङकाम कोले खाप्‍चीचो़ रोक्‍ता। गु वो येशूकु सीसिपा बाइडा।

मत्ती 6:32

माम्‍चु़नीडा थो़र मेलु़पामिमका डे आरेप्‍माम ल्‍वाकु मिम्‍ताम-सो़र्ताम बोमी, लावो पाह्रीला बाट्पा इनी माम्‍चु़नी पापका ओर्मिम खोत्‍ले गानीलाई बासी र्‍वाक्‍साका ङादोङा चमी।

मर्कूस 10:24

गुमीका र्‍वाम्‍डिम ओराम ल्‍वा थो़म्डिमा उनी सीसिपामिम ङाङाया दु़म्‍मिडी। लावो येशूका आथावो ङा र्‍वाम्‍डी, “चो़च्‍चो़ नी! खाप्‍चीडा थो़रलु़पामिम माम्‍चु़नीकु किब्‍दीगोनो हुमु हापा ङा छो़।

लूका 19:2

मेराम शहरडा जखायस नङकाम कोले कर फक्‍पामिमकु ङाउ बाइडा। गु छो़म खाप्‍चीनुङमा बाइडा।

लूका 3:11

यूहन्‍नाका मेर्मिमलाई र्‍वाक्‍ता, “उहेमनुङ नले माक्‍ते बु, मेरामका मेबाट्‌पालाई ग्‍वाक्‍नु़, मा उहेमनुङ पोमुडुमु बु, मेरामका वो मेम ङा बु़नु़।”

थु़र्मा 14:17

लावो माम्‍चु़नीका उनी न-थो़म मेर्मिमडला रेम्‍बेसाका गुमी बाम्‍डी र्‍वाक्‍पा ल्‍वा रेम्‍बेम्‍डी। गुमीका धामुलामका व थु़र्मिडिमा खोत्‍ले मा-के थारी-थारीका सिन्‍बेट्‌मिडी, मा हापा छो़म पोमु-डुमु ग्‍वाक्‍साका मु़चु़मिमकु न-गो गेर्सिबेट्‌मिडिम बु।”

थु़र्मा 14:27

मेर्चिप एन्‍टिओखियाडा रोक्‍फाट्‌ची, मा खोत्‍ले थो़रलु़पामिमलाई कोदेप येट्‌चिमी। मेम्‍मा माम्‍चु़नीका बेम्‍डिम खोत्‍ले खारीमिम सो़च्‍ची, मा हेसाका माम्‍चु़नीका वाङसामामिमकाम लागि थो़रलु़पा लाम्‍दी होल्‍साम्‍डिम मेर्मिम खोत्‍लेङा सो़च्‍ची।

थु़र्मा 17:25

मु़चु़मिमका ग्‍वामिमिम हाम वो गुमीका चाहेमेबोमी। गुमीका ने मु़चु़मिमलाई त्‍वारो़म, साम नुङ चाहेदु़म्‍पा खोत्‍लेङा ग्‍वामी।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।

१ तिमोथी 4:10

गुइ हेल्‍लो लोवो बुमिमिम माम्‍चु़नीलाम हाम-हुम ल्‍वापा न बिइमिम बु, गुमी ने खोत्‍लेकाम सेल्‍पा मा मेरामडाम वो थो़र लु़पामिमलाई सेल्‍पा सो़। मेम्‍मिमका गुइ ब्राम्‍दु़ल्‍वा नुङ मेझापातो खारी बिइमिम बु।

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

१ तिमोथी 6:9

लावो खाप्‍चीचो़ दु़म्‍मु न बेपामिम ने मेजो़पा खारी बोमु न बेपा दु़म्‍मी, पेरडा हुमी, मा हाम ना हामकाम नुङ छो़म थो़मतेर्पा ननुङमा दु़म्‍मी। मेम्‍मा मेप्‍माम नका मु़चु़मिम फालु़मिमा पुयु़लुकु़मी।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

तीतस 3:6

मेराम उनीमा पेल इकीमा सेल्‍पा येशू ख्रीष्‍टलामका माम्‍चु़नीका गुइडला हापा अम्‍डी।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।