१ तिमोथी 6:10 - थुलुङ राई

¹⁰ हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

१ तिमोथी 6:10 Iomraidhean Croise

मत्ती 13:22

चु़दुगोनो झुक्‍पा भ्रल मेरामङा सो़, उहेमका माम्‍चु़नीकु सिजेम थो़सु़, लावो हाम पेपा-फसिक्‍पा र्‍वाक्‍साका मिम्‍ताम-सो़र्ताम नुङ खाप्‍चीचो़ दु़म्‍मु मालु़मिमका माम्‍चु़नीकु सिजेमथो़ न मेसोकु़। मेम्‍मा सिजेमका र्‍वामिम होप्‍माम दु़म्‍मु मेचाप्‍सु़।

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

मत्ती 6:19

“इनीमा लागि ओ सुबुडा खाप्‍ची मेफुट्‌नी। आसिन्‍डा ने मे खाप्‍ची तु़मका पु़, गारका पु़, खुचु़वाका नेम पिसाका खुमी।

मर्कूस 4:19

लावो पोमु-डुमुकु मिम्‍ताम-सो़र्ताम, खाप्‍ची द्‌वाम, नुङ वाङमिम खोत्‍लेङा डार्पा न उनी नगोनो हुमा मेरामका सिजेम हुप्डु़, मेकोतिमा मेरामका मा फिमु मेग्‍वाकु़।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

१ तिमोथी 6:21

आरेप्‍माम लिमा ल्‍वाडा थो़र लु़साका याङका उनी थो़र वो दाम्‍सोम्‍डिम बु। माम्‍चु़नीकु दिदाम गानानुङ दु़म्‍नु़।

१ तिमोथी 6:9

लावो खाप्‍चीचो़ दु़म्‍मु न बेपामिम ने मेजो़पा खारी बोमु न बेपा दु़म्‍मी, पेरडा हुमी, मा हाम ना हामकाम नुङ छो़म थो़मतेर्पा ननुङमा दु़म्‍मी। मेम्‍मा मेप्‍माम नका मु़चु़मिम फालु़मिमा पुयु़लुकु़मी।

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

याकूब 5:19

आमा वा-ल्‍वाकनी, गानीगोडाम कोङनिम मु़चु़ माम्‍चु़नीकु आच्‍छाङाकाम सिजेम डिसाका कोर्थो़ ललो मेरामलाई कोङनिमका माम्‍चु़नीडा ख्‍लोकु़ माला,

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

रेम्‍बेट्‌मिडिम ल्‍वा 18:13

पाताराङगी, मसला, धूप, मूर्र, हापा थिकाम धूप, अङ्‍गूरकु बिलाम, जैतूनकु तेल, जो़पा फुल, जेप्‍सेर, पितु-मु़सु़मिम, भेन्‍दामिम, घोडामिम, रथमिम, डु़ल्‍चो़ दु़म्‍मु भ्रेन्‍मिमिम मु़चु़मिम वो सु़का वो मेभ्रेमी।