१ तिमोथी 6:1 - थुलुङ राई

¹ डु़ल्‍चो़ दु़म्‍बेट्‌पाकु जुवाडा बाट्‌पामिम खोत्‍लेका उनीमा नेमहपमिमलाई छो़म डोक्‍पु मिम्‍मिनु़, मेम्‍साका माम्‍चु़नीकु नङ नुङ इकीमा सीसिकु दुथाम मु़चु़मिमका मेजो़पा मेजेमी।

१ तिमोथी 6:1 Iomraidhean Croise

मत्ती 11:30

हेङालोने गो गानीलाई क्रिनिनिमिम लाम्‍दी लाम्‍दिमु चाम्‍निमिम बु, मा गानीलाई कुर्बेनिनिमिम ल्‍वा कुर्मु चाम्‍निमिम बु।”

मत्ती 11:9

गानी हाम रेप्‍डा लक्‍निम? माम्‍चु़नीलाम-जेपा मु़चु़लाई रेप्‍डा लक्‍निम? आच्‍छाङा गो गानीनुङ र्‍वाङु, माम्‍चु़नीलाम-जेपा मु़चु़डाम वो डोक्‍पु यूहन्‍नालाई गानी ल्‍वान्‍नी।

लूका 17:1

येशूका उनी सीसिपामिमलाई र्‍वाम्‍डी, “मु़चु़मिमलाई छु़ल बेबेट्‌पा मेजो़पा ल्‍वामिम रोमी। लावो मु़चु़मिमलाई मेम बेबेट्‌पा मेराम मु़चु़ ने वाइतो!

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 10:7

आकोति र्‍वाक्‍तामा मे पाह्रीचो़ लस्‍ता। कर्नेलियसका नले उ डु़ल्‍चो़चिप नुङ माम्‍चु़नीकु सो़रलोले बेपा, मा हेल्‍लो लोवो उ त्‍वाकु चापे-डुपे बेपा कोले सिपाही येड्‌डु़,

थु़र्मा 15:10

मेम्‍मिमका सीसिपामिमकु बालामडला ओराम जुवा जु़ल्‍साका हेङा गानी माम्‍चु़नीकु न छाम्‍निमिम? ओराम ने ना इकी ङाउ-खुउमिमका ङा कुर्मु चाप्‍मिडी, ना गुइ ङा चाप्‍सी।

रोमी 2:24

हेङालोने माम्‍चु़नीकु सिजेमडा र्‍याक्‍मा बु, “गानी यहूदीलामङा वाङसामामिम गोडा माम्‍चु़नीलाई डक्‍साका जेन्‍निम बाइडा।”

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

तीतस 2:5

मा त्‍वापलाई जो़होमका जु़ल्‍पा, सेपा न-गोनुङमा दु़म्‍पा, नेम-किम जो़होमका रेपा, न-थो़मनुङमा नुङ उनी वोचु़कु ल्‍वाडा बुमु सीमिनु़-चेमिनु़। मेम्‍साका माम्‍चु़नीकु सिजेमकु दुथाम सु़का वो मेजो़पा जेमु मेल्‍वामिनु़।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।