१ तिमोथी 5:5 - थुलुङ राई

⁵ उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।

१ तिमोथी 5:5 Iomraidhean Croise

लूका 18:1

येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

लूका 18:7

हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

लूका 2:37

मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

थु़र्मा 26:7

आकी को-न (१२) दोचो़मिमका मे माम्‍चु़नीका र्‍वाम्‍डिम ल्‍वा ल्‍वामुकाम लागि कोले न-थो़मकाम दु़म्‍मिडी, मा नेम्‍फु-सिन्‍था माम्‍चु़नीकु सो़रलोले बेम्‍थाल्‍मिडी। हप अग्रिपास, ओराम ल्‍वाकु दुथाम ङा यहूदीमिमका मेजो़पा ल्‍वामिमका मुमा बेट्‌ङिडिमिम बु।

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

थु़र्मा 9:39

पत्रुस बक्‍तामा मेर्चिपनुङ लस्‍ता। पत्रुस योप्‍पाडा रोक्‍फाड्‌डामा मु़चु़मिमका गुलाई नेमडलाम बाखोपडला लम्‍डी। खोत्‍ले अर्दोमेमिमका ने तबीता मेर्मिम खोत्‍लेनुङ बाइडालो बनेबु़डु़म हुम-ये नुङ वाङमी ये रेम्‍बेत्तो पत्रुसलाई उर्मिडिमा ख्राप्‍मिडी।

थु़र्मा 9:41

पत्रुसका तबीता उ ल्‍वाड्‌डा झेड्‌डु़मा हुफक्‍तु़। मेकोतिमा थो़रलु़पामिम नुङ अर्दोमेमिमलाई येड्‌डु़मिमा तबीता नु़पाङा रेम्‍बेड्‌डु़मी।

रोमी 1:12

इनीमा थो़रका गोलाई मा आमा थो़रका गानीलाई गुइ त्‍वाप-त्‍वापगोडा सो हन्‍सी ल्‍वासिनु़ र्‍वाक्‍पा आमा न बु।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

१ कोरिन्थी 7:32

गानी मिम्‍ताम-सो़र्ताम मेबेसाका बानी र्‍वाक्‍पा आमा न बु। लालीकुन्‍दा मेबेपा मु़चु़का हेसाका ङाचो़ येशूलाई गेर्सीबेट्‌पा र्‍वाक्‍साका ङाचो़कु दुथामङा मिम्‍ताम-सो़र्ताम बु़।

१ कोरिन्थी 7:34

मेराम मु़चु़कु न नले दु़म। मेम्‍साकाङा लालीकुन्‍दा मेबेपा रिचो़का मिरो़म नुङ न-गो निफिडाङा हेसाका सेपा दु़म्‍मु र्‍वाक्‍साका ङाचो़ येशूकु दुथाम मिम्‍ताम-सो़र्ताम बु़। लावो लालीकुन्‍दा बेपा मेसेमका ने हेसाका उ त्‍वाकु वोचु़ गेर्सिबेन्‍मु र्‍वाक्‍साका सु़म्‍दिसेरडाम ल्‍वाडा मिम्‍ताम-सो़र्ताम बु़।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

१ तिमोथी 2:1

खोत्‍ले मु़चु़काम लागि सो़म्‍दी बेनी र्‍वाक्‍साका ङादो गो इमा सो हन्‍बेट्‌पु, मेर्मिमका हाम चाहेबोमी मेराम गानी माम्‍चु़नीनुङ बिनी, मा गुमीलाई आलासो़ ग्‍वाक्‍नी,

१ तिमोथी 5:16

थो़र लु़पा मेसेमकाम कोङनिम त्‍वाकु मु़चु़ अर्दोमे बुमी माला मेरामका मेर्मिमलाई ख्‍लो़यु़नु़, मा मण्‍डलीलाई दु़खा मेग्‍वाकु़मिनु़। मेम्‍साका मण्‍डलीका ने आच्‍छाङा ख्‍लो़मु बासिट्‌पा अर्दोमेमिमलाई ख्‍लो़मु चाप्‍सु़नु़।

१ तिमोथी 5:3

उनी त्‍वापलाई रेपा सु़ वो मेबाट्‌पा अर्दोमेमिमलाई जो़होमका रेप्‍डामी।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

१ पत्रुस 3:5

आरेसाकाङा माम्‍चु़नीकु नङका सान्‍सिक्‍पा माकेम मेसेममिमका वो माम्‍चु़नीलाम हाम-हुम ल्‍वापा न बेसाका उनी त्‍वापलाई जो़प्‍सीमा बनेबेम्‍डी। मेम्‍मा उनी वोचु़कु साखामगोडा बाम्‍डी।