१ तिमोथी 5:21 - थुलुङ राई

²¹ गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।

१ तिमोथी 5:21 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

लूका 20:21

मेकोतिमा मे ल्‍वा खुपा मु़चु़मिमका हिलाबेम्‍डी, “ङाचो़, गानी र्‍वानिमिम नुङ सीनिमिम ल्‍वा जो़पा बु, मा सु़लाई वो चोमिक्‍सी मेबोनी, लावो आच्‍छाङा माम्‍चु़नीकु लाम्‍दी सीनिमी र्‍वाक्‍पा गुकु चकु।

लूका 9:26

कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

१ थेसलोनिकी 5:27

ङाचो़ येशूकु ङादोडा गो गानीलाई र्‍वाङु, ओराम सेलाखाजेम डाट्नीमा खोत्‍ले वा-ल्‍वाकमिमलाई थो़बेट्‌नी।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

२ तिमोथी 4:1

ख्रीष्‍ट येशू हप होङङा दु़म्‍साका योमिलो गुमीका सिपा लोवो नु़पा लोवो खोत्‍लेकाम निया बोमी। मेम्‍मिमका माम्‍चु़नी नुङ ख्रीष्‍टकु ङादोडा गो गानालाई ओर्मिम छो़म बेबेनी:

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।