१ तिमोथी 5:18 - थुलुङ राई

¹⁸ हेङालोने माम्‍चु़नीकु सिजेमका आरे र्‍वा: “पराल नाट्‌पा बेनोकु सि मेड्‌याक्‍नी” मा “खारी बेपाका खारी बु़डु़म खउलुङ ल्‍वामु बासी।”

१ तिमोथी 5:18 Iomraidhean Croise

मत्ती 10:10

गानी लाम्‍दिनिलो फाजी, अन्‍सिक्‍पा माक्‍ते, सो़लो़प नुङ डु़लु़म्‍चो़ मेकुर्नी। हेङालोने खारीचो़ उमा पोमु-डुमुकाम लागि घ्रेट्‌पा दु़म।

लूका 10:7

मेर्मिमका गानीलाई हाम पोमु-डुमु ग्‍वानिमी पेनिमा मेराम नेमडाङा बानी। हेङालोने खारी बेपा मु़चु़का खारी बु़मिमकु खउलुङ ल्‍वामु घ्रेट्‌पा दु़म। मेराम नेम डिसाका वाङमी नेमडा बाप्‍डा मेलक्‍नी।

रोमी 10:11

माम्‍चु़नीकु सिजेमका र्‍वा, “गुमीडला थो़रलु़पा मु़चु़का हेल्‍लो वो उनी क्रो़म लुमु मेबासी।”

रोमी 11:2

माम्‍चु़नीका ङादो आथामङा छेट्‌मिडिम उनीमा त्‍वाकु मु़चु़मिमलाई ङेट्‌मिडिम मिबु। हाम एलियाकु दुथाम माम्‍चु़नीकु सिजेमडा र्‍याक्‍मा ल्‍वा चनिम मिबु? इस्राएलीमिमकु कोर्थो़लाम एलियाका आरेसाका र्‍वाक्‍ताम बु,

रोमी 4:3

हेङालोने माम्‍चु़नीकु सिजेमडा र्‍याक्‍मा बु, “अब्राहामका माम्‍चु़नीडा थो़र बु़डु़। मेराम थो़रलामङा माम्‍चु़नीका गुलाई जो़पा न-गोकाम दु़म्‍बेट्‌मिडी।”

रोमी 9:17

माम्‍चु़नीकु सिजेमडा मिश्रडाम फारो हपकु दुथाम आरेसाका र्‍वाक्‍मा बु, “आमा यु़म गानालाम रेम्‍बेसाका सुबुडा खोत्‍लेथो़ आमा नङ सो़मिनु़ र्‍वाक्‍पा नका गो गानालाई हप दु़म्‍बेट्‌निम बु।”

१ कोरिन्थी 9:14

मेम्‍साकाङा उहेमका जो़पा-सेला थो़बेन्‍मी, मेलामकाङा मेर्मिम डु़ल्‍सिमिनु़ र्‍वाक्‍साका ङाचो़ येशूका वो र्‍वाम्‍डी।

गलाती 3:8

माम्‍चु़नीका वाङसामामिमलाई थो़रलु़सीलामका जो़पा न-गोकाम र्‍वाक्‍पा मिम्‍मिडिम बु र्‍वाक्‍साका माम्‍चु़नीकु सिजेमडा ङादोङा र्‍याक्‍मा बाइडा। मेम्‍मिमका अब्राहामलाई, “गानालामकाङा सुबुडा बाट्‌पा खोत्‍ले सामाडाम मु़चु़मिमका जि ल्‍वामी” र्‍वाक्‍साका आरेप्‍माम जो़पा-सेला ङादोङा थो़बेट्‌मा बाइडा।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?