15 हेङालोने कोङ-कोङ ने ङादोङा शैतानथो़ लम्डिम बु।
मेकोतिमा येशूका शैतानलाई र्वाम्डी, “शैतान, ओलामका लस्ल्याडा, हेङालोने माम्चु़नीकु सिजेमडा र्यामा बु: ‘गाना इमा मिप्रङमा माम्चु़नीलाई कोङङा डोक्पु मिम्साका सेव साडा, मा उनीमा कोङङा लाले-पाङके बे’।”
मेर्मिमगोडाम हुमेनियस नुङ अलेक्जेन्डर सो़, मेर्चिपका माम्चु़नीलाई डक्साका मेजेचिनु़ र्वाक्पा सीसिन्चिनु़ र्वाक्साका गो मेर्चिपलाई शैतानकु ल्वाडा ग्वाक्तोचिम बु।
एशियाडा बाट्पा हापा मु़चु़मिमका गोलाई ङेट्ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।
ओर्चिप आच्छाङाकाम ल्वालामका कोर्थो़ लक्चिम बु। सिमुलामका बग्गेट्पा थारी ङादोङा दु़म्मु दु़म्स्तु़ मा आथा ने मेदु़म र्वाक्साका ओर्चिपका हाङको मु़चु़मिमकु थो़र पुयु़लुक्साट्चिमिम बु।
हेङालोने डेमासका ओराम सु़म्दिसेरलाई रिखाम बु़डु़मा गोलाई डिसाका थेसलोनिके शहरडा लस्ताम बु। क्रेसेन्स गलातिया क्षेत्रडा लस्ताम बु, मा तीतस ने दलमातिया क्षेत्रडा लस्ताम बु।
हापा मु़चु़मिमका मेर्मिमकु क्रो़मलु़पा लाम्दी लाम्दिमी मा आच्छाङाकु लाम्दीकु दुथाम मु़चु़मिमका मेजो़पा र्वामी।
उमा खोत्ले सेलाखाजेमडा गुका ओर्मिम ल्वाङा र्याक्तु़म बु। उमा सेलाखाजेम गोडा याङ ल्वा थेसिथेन्मु मेझापा बु। मेसीसिपा नुङ याक्के थो़रनुङमा मु़चु़मिमका मेरामलाई माम्चु़नीकु याङ सिजेम होङङा कोर्थो़ हेर्मिडिम बु। आरेसाका मेर्मिमका उनी त्वापलाई पुयु़लुबेन्मी।
ख्रीष्टकु कोर्थो़लाम बक्पा ओ मु़चु़मिम गुइनुङ लाम्दिपा थो़र लु़पामिम मेएँ, मेम्मिमका गुइलाई डिसाड्डामी। मेर्मिम मु़चु़ गुइनुङ लाम्दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्दिपा थो़र लु़पा मेएँ रेछा र्वाक्पा मेर्मिमका डिसाड्डामिमलामका रेम्बेम्डी।
मिखाएल नुङ गुनुङ बाट्पा पाह्रीचो़मिमका मे डोमिफु धाली छाघ्रोम्सोम्डी। मेराम ने माके आथाममिम ब्लो, सु़म्दिसेर खोत्लेलाई ताङताहेरथो़ लक्पा मुनाङमिमकु ङाउ, शैतान सो़। गुलाई सुबुडा घ्रोम्सोम्डी मा गुनुङ बाट्पा सेनामिम वो गुनुङङा घ्रोम्सोम्डी।
