१ तिमोथी 4:7 - थुलुङ राई

⁷ माम्‍चु़नीकु सो़रलोले मेदु़म्‍पा नुङ हाम ना हामकु ल्‍वामिमडाम वाङ बाया, मा माम्‍चु़नीकाम कोङङा सो़रलोले बोमु सीसा-चेसा।

१ तिमोथी 4:7 Iomraidhean Croise

थु़र्मा 24:16

मेम्‍मिमका मु़चु़ नुङ माम्‍चु़नीकु ङादोडा हेल्‍लो लोवो आमा त्‍वाकु चाप्‍सी गो जो़पा न-गो जु़लु।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ तिमोथी 1:9

डु़म्‍ला जो़पा मु़चु़मिमकाम लागि मेएँ र्‍वाक्‍पा वो गुइ च, लावो डु़म्‍ला होम्‍साका मेदोपामिम, लु़म्‍ला मेबेडिचो़मिम, माम्‍चु़नीकु सो़रलोले मेबेपामिम, मा छु़लचो़मिम, मेसेपा नुङ माम्‍चु़नीलाई डोक्‍पु मेबेपा, माम-पाप नुङ मु़चु़ सेट्‌पामिमकाम लागि,

१ तिमोथी 2:10

लावो माम्‍चु़नीकु सो़रलोले बेउ र्‍वाक्‍पा मेसेमका जो़पा खारीका उ त्‍वापलाई घ्रेट्‌पा ल्‍वासिक्‍पा बनेबोमु बासी।

१ तिमोथी 3:16

सो़रलोले बेपा मिरो़म-त्‍वारो़मकु थक्‍मा ल्‍वा ने हाङको डोक्‍पु बु: ख्रीष्‍ट उनी त्‍वापङा मिरो़मडा ल्‍वाला सो़म्‍सिम्‍डी, माम्‍चु़नी-पेलका गुमीलाई माम्‍चु़नीकु ङादोडा जो़पा दु़म्‍मिडिम रेम्‍बेम्‍डी, पाह्रीचो़मिमलाम ल्‍वाला सो़म्‍सिम्‍डी, मिनी सामामिमका उनीमा दुथाम थो़म्‍डी, सु़म्‍दिसेरडा मु़चु़मिमका गुमीडा थो़र बेम्‍डी, यु़म-झ्‍वाक्‍सीडा गुमी गेले कोम्‍सिम्‍डी।

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

२ तिमोथी 2:16

हाम ना हामकु ल्‍वामिम नुङ माम्‍चु़नीकु नङ मेकोसिक्‍पा ल्‍वामिमडाम वाङ बाया, हेङालोने ओराम ल्‍वाका मु़चु़मिमलाई माम्‍चु़नीडाम होनोवा दु़म्‍बेडु़मी।

२ तिमोथी 2:23

नेप्‍ची मान्‍थिम नुङ हाम ना हामकु खाल्‍बेपा ल्‍वामिमडाम वाङ बाया, हेङालोने ओर्मिम ल्‍वाका रिबुसी ग र्‍वाक्‍पा गाना चनामिमङा बु।

२ तिमोथी 3:12

ख्रीष्‍ट येशूडा माम्‍चु़नीकु लाम्‍दी होम्‍साका लाम्‍दिमु माल्‍पामिम खोत्‍ले मु़चु़काम छो़म उनी थो़मतेर्सी।

२ तिमोथी 3:5

माम्‍चु़नीकु सो़रलोले बेपा लिसिक्‍पा, लावो माम्‍चु़नीडा आच्‍छाङाका थो़रमेलु़पा दु़म्‍मी। तिमोथी, आरेप्‍माम मु़चु़मिमडाम वाङ बाया।

२ तिमोथी 4:4

मु़चु़मिमका आच्‍छाङाकाम सीसि थो़मु डिन्‍मी, मा हाम ना हामकु सो़म्‍दीमिमडाङा थो़रलु़मी।

तीतस 1:14

मेम्‍मा यहूदीमिमकाम हाम ना हामकु ल्‍वाडा नुङ येशू ख्रीष्‍टकु दुथाममिम सीसि थो़मु मेद्‌वाक्‍पा मु़चु़मिमका र्‍वामिमिम ल्‍वाडा न मेसोमिनु़।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

तीतस 3:9

लावो हाम ना हामकु ल्‍वाडा खाल्‍बोमु, पाइमाखाकु दुथाम खाल्‍बोमु नुङ मोशाकु डु़म्‍लामिम होम्‍साका दोमुकु दुथाम रिबुसी किन्‍मुडाम गाना वाङ बाया वो। हेङालोने ओर्मिम ल्‍वा ने हाम ना हामकाम नुङ नेमताबेट्‌पा कोङङा सो़।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।