१ तिमोथी 4:6 - थुलुङ राई

⁶ थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ तिमोथी 4:6 Iomraidhean Croise

मत्ती 13:52

मेकोतिमा गुमीका मेर्मिमलाई र्‍वाम्‍डी, “पाह्री-किब्‍दीकु दुथाम सीसिपा डु़म्‍ला सीपा खोत्‍ले मु़चु़ कोले नेमहप होप्‍मामङा सो़, उहेमका उ छेदेनेमलामका माकेम नुङ हापा थिकाम लाले सोजाम ख्‍लुकु़मी।”

लूका 1:3

मेम्‍मा द्‍वादीबुङ ङाचो़ थियोफिलस, गो वो येशूकु दुथाम नुङ येशूका खारी बोमु चो़म्‍मिडिलो आथामङा खोत्‍ले ल्‍वा चङको चङको दु़म्‍साका माल्‍तो ख्‍लोक्‍तोम बु। मेर्मिम खोत्‍ले पेन्‍तिका गो गानीलाई र्‍यामु जो़पा लु़ङडो।

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 20:31

मेम्‍मिमका ओराम ल्‍वा मिम्‍निमा चङचङया बानी वो! गो हेसाका सु थसम्‍म नेम्‍फु-सिन्‍था ख्राप्‍तो खोत्‍ले मु़चु़मिमलाई चङचङया बाबेत्तोमिम बाइडा।

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

रोमी 15:15

लावो माम्‍चु़नीका गोलाई दिदाम ग्‍वाङडिमिमका गानीलाई आथावो मिम्‍बेन्‍मु लागि मेङिसाका गो कोङनिम ल्‍वाकु दुथाम र्‍याक्‍तोङा बेउ।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

२ कोरिन्‍थी 11:23

हाम मेर्मिम ख्रीष्‍टकु डु़ल्‍चो़मिम? गो नेप्‍ची मान्‍थिम होङङा जेत्तोङा लेट्‌पु। गो मेर्मिमडाम हापा जो़पा डु़ल्‍चो़। गो हापा ब्राम्‍दु़ल्‍वा बेउतो। हापा खेप चसिङडोमा बाङडो। हापा इम्‍मु मेचापा बेसाका कोक्‍तेकु रिबाका याल्‍ला सो़सिङडो। हापा खेपङा र्‍वाप्‍डा सिङडो।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

२ कोरिन्‍थी 6:4

मेम मेबेसाका, खोत्‍ले खारीडा गुकु आकी त्‍वापलाई माम्‍चु़नीकु डु़ल्‍चो़ र्‍वाक्‍साका रेम्‍बोकु। गुकु दु़खाडा, मेझापाडा नुङ खेमल्‍यामु वो मेझापा खारीडा वो गुकु छो़म इम्‍सिसाका बुकु।

एफिसी 6:21

इकीमा छो़म द्‌वादीबुङ ल्‍वाक मा ङाचो़कु थो़रलु़इमिम डु़ल्‍चो़ तुखिकसकाङा गो हेप्‍माम बुङु मा हाम बेत्तो बेउ र्‍वाक्‍पा खोत्‍ले गानीनुङ सो़यु़।

फिलिप्‍पी 2:20

आच्‍छाङा इनीमा दुथाम जो़होमका मिम्‍पा मु़चु़ गुडाम वाङमिम सु़ वो गोनुङ मेबुमी।

फिलिप्‍पी 2:22

लावो तिमोथी ने हेप्‍माम मु़चु़ र्‍वाक्‍पा गानी चनिमङा बु, मा चो़का उमा पापनुङ बु़मिम होङङा गुका गोनुङ जो़पा-सेलाकु खारी बु़डु़म बु।

फिलिप्‍पी 3:16

हाम लोवो, आथावो गुइ बान्ते रोक्‍फाड्‌डिम, मेराम होङ्‍ङा बेसी-दोसीडा बोमुम बुमु बासी।

कलस्‍सी 2:19

मेराम मु़चु़ ने गुलाई थो़पा बुइ ख्रीष्‍ट नुङ मेदु़म्साका वाङ दु़म। ख्रीष्‍ट ने मिरो़मकु बुइ बुमी। गुमीका मिरो़मलाई डु़ल्मी। मेम्साका मिरो़मकु सेर नुङ सोरिप घ्रो़मबेसाका खोत्ले मिरो़म माम्चु़नीकु न होम्साका बर्तो लमी।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

कलस्‍सी 4:7

तुखिकसका आमा दुथाममिम खोत्‍ले सेलामिम गानीनुङ सो़यु़। गु ङाचो़काम लागि खारी बोमुडा थो़रलु़इमिम नुङ गोनुङ कोयो खारी बेपा आमा द्‌वादीबुङ थो़र लु़पा ल्‍वाक सो़।

१ थेसलोनिकी 3:2

लावो आकी ल्‍वाक तिमोथीलाई इनीमाडा थु़र्तोको। गु माम्‍चु़नीकु डु़ल्‍चो़ दु़म्‍साका खारी बेपा नुङ ख्रीष्‍टकु दुथाम जो़पा-सेला गुकुनुङ थो़बेट्‌पा मु़चु़ सो़। गानी माम्‍चु़नीडा छो़म थो़रलु़पा दु़म्‍मु गुका ख्‍लो़नी मा इनी सो हन्‍बेन्‍सानी र्‍वाक्‍पा आकी न बु।

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 4:16

त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

तीतस 2:1

तीतस, गाना ने आच्‍छाङाकाम सीसि सीडामी।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।