१ तिमोथी 4:4 - थुलुङ राई

⁴ माम्‍चु़नीका प्रङ्‌मिडिम खोत्‍ले जो़पाङा बु, मा ओर्मिम खोत्‍लेकाम लागि गुमीलाई आलासो़ ग्‍वाक्‍साका पिइ-डुङी माला नु़,

१ तिमोथी 4:4 Iomraidhean Croise

थु़र्मा 10:15

आथावो मेराम लो़लामका पत्रुसनुङ र्‍वाक्‍ता, “माम्‍चु़नीका उहेमलाई सेपा बेम्‍डिम बु, मेराम गाना मेसेपा मेमिम्‍डा।”

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

थु़र्मा 21:25

लावो थो़रलु़पा वाङसामामिमलाई गुकु आरेप्‍माम सेलाखाजेम र्‍याक्‍तोकोमा थु़र्तोकोम बु गानी ङाटालाई सासेट्‌मा पोमु-डुमु, लक्‍चा रिम्‍साका सेट्‌मा सो़ नुङ सिसि मेपेनी, मा नाम्‍सु़रु़ मेबेनी।”

रोमी 14:14

ङाचो़ येशूडा थो़र बेउतोमका गो ओराम ल्‍वा आच्‍छाङा चक्‍पु, बाम वो पोमुथोक त्‍वापङा मेसेपा मेदु़म। लावो कोङनिमका हाम-हुम पोमुथोक मेसेपा मिम्‍डु़ माला उमा लागि मेराम मेसेपा ङा दु़म।

रोमी 14:20

पोमुडुमुकाम लागि माम्‍चु़नीकु खारी पुयु़ मेलुबेट्‍नी। खोत्‍लेङा पोमुडुमुमिम सेपा दु़म मा पेसी नु़, लावो कोङनिमलाई माम्‍चु़नीकु लाम्‍दीडा लाम्‍दिमु भोपा पोमुथोक पोमु ने मेजो़पाङा सो़।

रोमी 14:6

कोलेममिम नेमडाम वो कोङमी नेम डोक्‍पु मिम्‍पा मु़चु़का माम्‍चु़नीलाई डोक्‍पु बेपा नका मेम बु़। खोत्‍लेम थोक पेपाका माम्‍चु़नीकाम लागि ङा पु़ हेङालोने मेरामका माम्‍चु़नीलाई आलासो़ र्‍वा। खोलेम थोक मेपेपाका वो माम्‍चु़नीकाम लागिङा मेपु़ मा मेरामका वो माम्‍चु़नीलाई आलासो़ र्‍वा।

१ कोरिन्थी 10:23

गानी आरे र्‍वानी, “गुकुलाई बेबेद्‍वाक्‍पा ल्‍वा हाम लोवो बोमु नु़।” लावो खोत्‍ले ल्‍वाका जो़पा मेबेसा। “गुकुलाई बेबेद्‍वाक्‍पा ल्‍वा हाम लोवो बोमु चाम्‍कु।” लावो खोत्‍ले ल्‍वाका जो़पा लाम्‍दीडा मेक्रिसा।

१ कोरिन्थी 10:25

सो़ भ्रेन्‍खोपडा भ्रेट्‌मा उहेम सो़ लोवो ओराम सासेट्‍मा डे मेएँ र्‍वाक्‍साका हिलाहिसी मेबेसाका पेनी।

१ कोरिन्थी 10:26

हेङालोने माम्‍चु़नीकु सिजेमका र्‍वा “सुबु नुङ मेगोडा बाट्‌पा खोत्‍ले मिप्रङमाकामङा सो़।”

१ कोरिन्थी 10:30

गो माम्‍चु़नीलाई आलासो़ ग्‍वाक्‍साका पेत्तोङा बेउ माला, आलासो़ ग्‍वाक्‍साका पेम्‍मा पोमुथोककाम लागि वाङमिमका हेङा गोलाई मुमा बेन्‍ङिमी?

१ तिमोथी 4:3

मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।