१ तिमोथी 4:3 - थुलुङ राई

³ मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।

१ तिमोथी 4:3 Iomraidhean Croise

मत्ती 14:19

येशूका सेर्पा मु़चु़लाई प्रु़प्‍चीडला गन्‍बेट्‌मिडी। मेम्‍मा मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो आलासो़ ग्‍वाम्‍डी। मेकोतिमा फ्‍वाक्‍चो़ल बेसाका उनी सीसिपामिमलाई ग्‍वाम्‍डी। मेर्मिमका मु़चु़मिमलाई दो़म्‍साम्‍डी।

मत्ती 15:11

सिलामका हाम हु मेरामका मु़चु़लाई मेसेपा मेबु़, लावो सिलामका हाम ल्‍वा पाखानो लु, मेरामका मु़चु़लाई मेसेपा बु़।”

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।

लूका 24:30

येशू मेर्चिपनुङ पेप्‍डा गन्‍मिडी। गुमीका सो़बेम झेट्‌मिडिमा आलासो़ ग्‍वाम्‍डी, मा चम्‍डिमा मेर्चिपलाई ग्‍वाम्‍डी।

यूहन्‍ना 6:23

मेम्‍मा ङाचो़ येशूका आलासो़ ग्‍वाक्‍साका मु़चु़मिमका सो़बेम पेम्‍डिम बाय फार्डा तिबेरियस शहरलामका वाङमिम कुबी-बोक्‍सा वो रोम्‍डी।

थु़र्मा 27:35

आकोति र्‍वाक्‍तामा पावलका सो़बेम झेड्‌डु़, मा खोत्‍लेकु ङादोडा माम्‍चु़नीलाई आलासो़ ग्‍वाक्‍साका चस्‍तु़मा पोमु चो़म्‍डु़।

रोमी 14:17

हेङालोने माम्‍चु़नीकु किब्‍दी र्‍वाक्‍मा पोमु-डुमुकाम लागि मेएँ, लावो माम्‍चु़नी-पेललाम रोक्‍पा जो़पा न-गो, न-भ्रसी, मा सेपा दु़म्‍साका गेर्सी द्‍वाक्‍तो बुमु सो़।

रोमी 14:3

खोलेम थोक पेपाका घ्रेनेम-योचु़म कोङङा पेपा थो़रलु़पालाई मेजो़पा मेमिम्‍नु़। मेम्‍साकाङा मेपेपाका पेपालाई मुमा मेबेट्‍नु़ हेङालोने मे याक्‍के थो़रनुङमा थो़रलु़पामिमलाई वो माम्‍चु़नीका येट्‌मिडिम सो़।

रोमी 14:6

कोलेममिम नेमडाम वो कोङमी नेम डोक्‍पु मिम्‍पा मु़चु़का माम्‍चु़नीलाई डोक्‍पु बेपा नका मेम बु़। खोत्‍लेम थोक पेपाका माम्‍चु़नीकाम लागि ङा पु़ हेङालोने मेरामका माम्‍चु़नीलाई आलासो़ र्‍वा। खोलेम थोक मेपेपाका वो माम्‍चु़नीकाम लागिङा मेपु़ मा मेरामका वो माम्‍चु़नीलाई आलासो़ र्‍वा।

१ कोरिन्थी 6:13

गानी आरे वो र्‍वाक्‍नी, “पोमु-डुमु ख्‍वाचेपकाम लागि, मा ख्‍वाचेप पोमु-डुमुकाम लागि।” ओराम आच्‍छाङा, लावो माम्‍चु़नीका निफिङा पुयु़लुबेन्‍मी। मिरो़म नाम्‍सु़रु़ बोमु लागि मेएँ, लावो ङाचो़काम लागि सो़, मा ङाचो़ मिरो़मकाम लागि सो़।

१ कोरिन्थी 7:28

लावो गानी लालीकुन्‍दा बोनी माला छु़ल बोनिमिम ने मेदु़म। लालीकुन्‍दा मेबेथेङा बाट्‌पा रिचो़का लालीकुन्‍दा बु़लो छु़ल बु़डु़म मेदु़म। लावो लालीकुन्‍दा बेपामिमका ओराम मिरो़मडा छो़म दु़खामिम ल्‍वामु बासी, मा गो गानीलाई ओराम दु़खाडाम गेमु माल्‍निनी।

१ कोरिन्थी 8:8

लावो पोमु-डुमुका गुइलाई माम्‍चु़नीकु ङादोडा लमु घ्रेट्‍पा मेदु़म्‍बेसा। मेपि लोवो गुइलाई मेजो़पा मेदु़म, मा पि लोवो हाम वो जो़पा मेदु़म।

कलस्‍सी 2:16

मेम्‍मिमका पोनी-डुनिमिमकु दुथाम, लाले पाङके बेपा चाड लोवो, ख्‍लो़मु-द बोमु चो़म्‍डु़लोम चाड लोवो, ङेम्‍सिमुनेमकाम लावो, हेङा मानेमेबोनिमिम र्‍वाक्‍साका सु़का वो मेजो़पा ल्‍वा इनीमा बुइडला मेउन्‍मिनु़।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

१ तिमोथी 4:4

माम्‍चु़नीका प्रङ्‌मिडिम खोत्‍ले जो़पाङा बु, मा ओर्मिम खोत्‍लेकाम लागि गुमीलाई आलासो़ ग्‍वाक्‍साका पिइ-डुङी माला नु़,

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।