१ तिमोथी 4:16 - थुलुङ राई

¹⁶ त्‍वाकु दुथाम नुङ त्‍वाकु सीसिकु दुथाम चङचङया बाया। ओर्मिम ल्‍वा बोनाम बुना माला गाना इ त्‍वाप नुङ इमा ल्‍वा थो़पामिम खोत्‍लेङा सेल्‍सिनी।

१ तिमोथी 4:16 Iomraidhean Croise

मर्कूस 13:9

“गानी इनी त्‍वाप ङा चङचङया बानी। मु़चु़मिमका गानीलाई अदालतबाडे लनिमी, मा घ्रो़म्‍दीनेमबाडे याल्‍निमी। मेकोतिमा हपमिम नुङ किब्‍दी साखामचो़मिमकु ङादोबाडे आमा नङकु दुथाम येम्‍सिबेनिमी। मेराम ङा गो सु़ र्‍वाक्‍पा रेम्‍बोनिमिम दु़म।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

थु़र्मा 26:22

लावो गो ल्‍वाउतोम ल्‍वाकु दुथाम डोक्‍पु याक्‍के खोत्‍ले मु़चु़मिमनुङ सो़मु माम्‍चु़नीका गोलाई ओम्‍लोसम्‍म ख्‍लो़ङ्‌डिमिम बु। मोशा नुङ माम्‍चु़नीलाम-जेपामिमका र्‍वाम्‍डिम ल्‍वा कोङङा सो़त्तो ङा लेट्‌पु,

थु़र्मा 6:4

मेकोतिमा गुकु ने सो़म्‍दी नुङ सिजेमकु लाले-पाङके ङा बोमुम बुमु बासी।”

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

१ कोरिन्थी 1:21

सु़म्‍दिसेरडाम मु़चु़मिमका उनी त्‍वाकु नेप्‍चीका माम्‍चु़नीलाई छेमु मेचाप्‍मिवा। मेम्‍मिमका माम्‍चु़नीकु नेप्‍ची होम्‍साका गुकु थो़बेत्तोकोम जो़पा-सेला नेप्‍ची मान्‍थिम होप्‍मामलामका थो़र लु़पामिमलाई सेल्‍मु माम्‍चु़नीका जो़पा लु़म्‍डी।

१ कोरिन्थी 9:22

याक्‍के थो़रनुङमा मु़चु़मिमका ख्रीष्‍टडा थो़र लु़मिनु़ र्‍वाक्‍साका याक्‍के थो़रनुङमा होप्माम दु़म्‍ङोडो। मेम्‍साका गो खोत्ले मु़चु़का हेसाका लोवो ख्रीष्‍टडा त्‍वारो़म ल्‍वामिनु़ र्‍वाक्‍साका मेर्मिम मु़चु़ होप्‍माम ङा दु़म्‍ङोडो।

१ कोरिन्थी 9:27

आ त्‍वाका त्‍वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्‌पुमिमिम चङडा गो पुरस्‍कार ल्‍वामु मेघ्रेट्‌पा दु़म्‍ङु।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

कलस्‍सी 4:17

अर्खिप्‍पसलाई आरे र्‍वाक्‍नी: “ङाचो़ येशूका गानालाई बेबेट्‌नामिम खारी बेसोका।”

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ तिमोथी 4:15

गाना बोमु बासिक्‍पा ओर्मिम खारीमिम बेहोम बाया, मा गाना बोनामिम खारी जो़पा दु़म्‍तो लस्‍ताम खोत्‍लेका ल्‍वामिनु़।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

२ तिमोथी 3:14

लावो गाना ने त्‍वाका सीसिट्‌नाम नुङ छो़म थो़रलु़न्‍नाम ल्‍वा होम्‍साका लाम्‍दियाम बाया, मेर्मिम ल्‍वा थो़रलु़इमिम मु़चु़मिमलाम सीसिट्‌नाम गाना त्‍वाकाङा चना।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 2:15

ओर्मिम ल्‍वा र्‍वाक्‍साका थो़रलु़पामिमकु सो हन्‍बेसाडामी मा गानानुङ बाट्‌पा साखामका मेर्मिमका ख्‍लो़ट्‌मिडिम ल्‍वाडा भुरामी। मेम्‍साका गाना र्‍वानामिम ल्‍वा खोत्‍लेका थो़मिनु़।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

फिलेमोन 1:19

गो पावल आमा ल्‍वाकाङा ओराम र्‍याक्‍तोङा लेट्‌पु। मे ओनेसिमसकु जेर गो ङा सोन्‍सानी। इमा त्‍वारो़मकाम लागि गाना आमा जेर हुन्‍नाम बु र्‍वाक्‍साका ने गो गानालाई र्‍वामु आमा न मिबु।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

याकूब 5:20

ओराम चनी: उहेमका कोले छु़लचो़लाई मेजो़पा लाम्‍दीलामका ख्‍लोकु़मा रेडु़, मेरामका मे छु़लचो़लाई सिमुलामका सेलु़, मा गुका मेरामकु हापा छु़लमिम माम्‍चु़नीलाम हेम्‍बेसाडु़।