11 ओर्मिम ल्वा मेर्मिमलाई सीडामिमा बेबेडामी।
ओर्मिम खोत्ले सीसि थो़र लु़पामिमलाई सीडामी, मा मेर्मिम मुमा बेन्ला मेसो़म्सिमी।
थो़रलु़सीडा वा-ल्वाक दु़म्निमका थो़र लु़पा डु़ल्चो़मिमका नेमहपमिमलाई कि-कि वो याक्के मेबोमिनु़। मेम मेबेसाका, मेर्मिमका नेमहपमिमकाम छो़म जो़होमका खारी बोमिनु़, हेङालोने नेमहपमिमलाई जो़पा दु़म्मु ने त्वाकु द्वादीबुङ थो़र लु़पामिमलाई जो़पा दु़म्मु सो़। आरे बेबेडामिमा मेर्मिमलाई सीडामी।
जो़पा-सेला थो़बेडामी, हाङकोलो लोवो जो़पा-सेला थो़बेन्मुडा न सोका, मु़चु़मिमलाई लु़म्ला बेडामी, भुरामी, उनीमा सो हन्बेसाडामी, मा इम्सिक्साका बुमुडा नुङ सीमुडा चङचङया बाया।
ओर्मिम ल्वा र्वाक्साका थो़रलु़पामिमकु सो हन्बेसाडामी मा गानानुङ बाट्पा साखामका मेर्मिमका ख्लो़ट्मिडिम ल्वाडा भुरामी। मेम्साका गाना र्वानामिम ल्वा खोत्लेका थो़मिनु़।
ओराम आच्छाङा र्वाक्मा सो़, ओर्मिम सीसि छो़म सीडामी, मेम्साका माम्चु़नीडा थो़रलु़पा खोत्लेका जो़पा खारी छो़म बोमु माल्पा दु़म्मिनु़। ओर्मिम सीसि खोत्लेकाम लागि जो़पा नुङ ख्लो़पा बु।
