१ तिमोथी 4:1 - थुलुङ राई1 दिफुम थारीबिलि कोङनिम मु़चु़मिम उनी थो़र लु़सीलामका ख्लोम्सिट्मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्वाक्साका माम्चु़नी-पेलका जो़होमका र्वामी। Faic an caibideil |
१ तिमोथी 4:1
64 Iomraidhean Croise
इपिक्युरी नुङ स्तोइकी र्वाक्मा नले समूहडाम नेप्चीनुङमा कोङ-कोङ मु़चु़मिम बाम्डी। मेर्मिम आच्छाङाकाम ल्वा नुङ त्वारो़मकु दुथाम मिम्पा, माल्पा मा सीपा दार्शनिक बाम्डी। मेर्मिमका पावललाई वाङ-वाङ ल्वामिमलाम छो़म खाल्मिडी। मेर्मिमगोडाम कोङ-कोङका आरे र्वाम्डी, “हाम सो़यु़मिम ओ उ न ना थो़म जेपाका?” वाङमिमका र्वाम्डी, “ओरामका ने विदेशी नो़पमिमकु दुथाम डे सो़त्तोङा बु़मिम रो ओ!” हेङालोने पावलका येशू नुङ सिमुलाम बग्गेट्पाकु दुथाम सो़यु़डु़म बाइडा।
गुकु माम्चु़नीका रेम्बेम्डिम ल्वा ल्वात्तोकोम बु र्वाम्डिमा त्वापलाई याक्के दु़म्मु होङङा रेम्बेसाका पाह्रीचो़मिमकु सो़रलोले बेत्तो त्वापलाई डोक्पु लिसिक्पा बेपामिम बुमी। मेर्मिमकु लिमा थेसाका गानी ल्वामु बासिक्पा पुरस्कार मेदाम्सोक्नी। मेर्मिम ने हाम वो मेबाट्पा सु़म्दिसेरडाम ल्वा रेसाका त्वापलाई डोक्पु लिसिक्तो बुमी।
हेङालोने कोङनिम मु़चु़ उहेमका देन्दे ल्वामी र्वाक्साका माकेङा र्याक्मा बु मेर्मिम मु़चु़ लिबावा इनीमा थेतेगोडा हुम्डिम बु। मेर्मिम मु़चु़ माम्चु़नीकु लाम्दीडा लाममेदिपामिम सो़, मेर्मिमका माम्चु़नीकु दिदामलाई उनी नसीहोम बोमुथो़ हिम्डिम बु, मा इकीमा हप नुङ ङाचो़ येशू ख्रीष्ट र्वामु मेर्मिमका मेद्वामी।
लावो मसीहका मे हादीबारा नुङ माम्चु़नीलाम जेपा लिसिक्पालाई उनी ल्वाड्डा बेम्डी। मे माम्चु़नीलाम जेपा लिसिक्पाका हेल्लो वो मेल्वाम्मा छेखोपमिम मे हादीबाराकु ङादोडा रेम्बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्धक वाक्तोङा बेपा छो़म डोक्पु मुकु भुल्मु गोयु़ गुमीका छाघ्रोम्डिची।
Sanasan