१ तिमोथी 3:8 - थुलुङ राई

⁸ मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

१ तिमोथी 3:8 Iomraidhean Croise

रोमी 3:13

“मेर्मिमकु ल्‍वा ने सु़लु़मलाम लुक्‍पा मुर होप्‍माम बु, मेर्मिमकाम त्‍वाकु लेमकाङा लिमा थेट्डु़म बु।” “मेर्मिमकु जेसी ब्‍लोकु ङे होप्‍माम बु।”

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

१ तिमोथी 3:12

डिकन कोलेङा नाइमे बाट्‌पा, त्‍वाकु चो़च्‍चो़मिमलाई र्‍वाकिमिम थो़पा दु़म्‍बेट्‌पा, त्‍वाकु नेमडाममिमलाई जो़होमका डु़ल्‍मु चापा दु़म्‍मिनु़।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

१ तिमोथी 3:3

डु़का मेसेट्‌पा, छोक्‍चो मेबेपा, याक्‍के दु़म्‍पा, क्‍वाल्‍बा मेबेपा, मा खाप्‍चीकु रारी मेबेपा,

१ तिमोथी 5:23

ङादोम होम्‍साका कु कोङङा मेडुङा, इमा ख्‍वाचेप नुङ नो़नाम बुनामिमका कि-कि अङ्‍गूरकु बिलाम वो डुङा।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

तीतस 2:3

मेम्‍साकाङा ङामी मेसेममिमका वो उनी थो़रलु़सीलाई घ्रेट्‌पा सेपा बासी-दोसी बोमु सीडामी। वाङमिमलाई डक्‍साका जेपा, मा छो़म डु़ डुपा मेदु़म्‍मिनु़। मेम मेबेसाका मेर्मिमका वाङमिमलाई जो़पा ल्‍वा सीमिनु़।

याकूब 3:10

कोले सिलामकाङा नङ कोमु नुङ वाइतो बेन्‍मु ल्‍वा लु? आमा वा-ल्‍वाकनी, आरेप्‍माम ने दु़म्‍सिमेनु़।

१ पत्रुस 5:2

माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।