१ तिमोथी 3:7 - थुलुङ राई

⁷ बिशप थो़र मेलु़पामिमका वो जो़पा मिम्‍मिमिम दु़म्‍मु बासी, मेम्‍साका मु़चु़मिमका उमा दुथाम मेजो़पा जेमु मेल्‍वामी मा शैतानकु पेरडा मेहु।

१ तिमोथी 3:7 Iomraidhean Croise

मर्कूस 4:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई कोङङा ग्‍वाक्‍मा बु। लावो माम्‍चु़नीकु किब्‍दी पाखानोममिमलाई ने सीसि-सो़म्‍दीडा कोङङा खोत्‍ले गो सो़उ।

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

थु़र्मा 22:12

“हननिया र्‍वाक्‍मा माम्‍चु़नीकु न-गो होप्‍माम, मा मोशाकु डु़म्‍लाका र्‍वामिम होम्‍साका दोपा कोले मु़चु़ बाइडा। मेरामलाई मेसिन्‍डाम खोत्‍ले यहूदीमिमका जो़पा मिम्‍थाल्‍मिडिम बाइडा।

थु़र्मा 6:3

मेम्‍मिमका ए वा-ल्‍वाकनी, खोत्‍ले मु़चु़मिमका द्‌वामिमिम नेप्‍चीनुङमा नुङ माम्‍चु़नी-पेलका लु़न्‍सिपा येतले मु़चु़ गानीगोलामका ङा छेनिमी, मा मेर्मिमलाई गुकु ओराम खारी बोमु थुकु।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 5:12

मण्‍डलीडाम्‍मा पाखाडाम मु़चु़मिमकु निया बोमु आमा खारी मेएँ। लावो मण्‍डलीगोडाम मु़चु़मिमकु निया बोमु इनीमा खारी मेएँ मा?

२ कोरिन्‍थी 6:3

आकीमा खारीडा सु़का वो मेजो़पा मुमा मेबेन्‍किमिनु़ र्‍वाक्‍साका गुकु सु़काम वो लाम्‍दीडा खेल तुक्‍पा मेजु़ल्‍कु।

२ कोरिन्‍थी 8:21

हेङालोने गुकु ङाचो़कु मिक्‍सीलामडा कोङङा मेएँ, मु़चु़मिमकु ङादोडा वो जो़पा खारी बोमुडा चङको-चङको दु़म्‍कु।

कलस्‍सी 4:5

येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।

१ थेसलोनिकी 4:12

मेम्‍साका थो़रमेलु़पा मु़चु़मिमका इनीमा बेसी-पेसी जो़पा मिम्‍मी, मा गानी वाङमिमनुङ बिमु वो मेबासी।

१ थेसलोनिकी 5:22

मेजो़पा खोत्‍ले ल्‍वाडाम वाङ बानी।

१ तिमोथी 3:6

मालो थो़र लु़पा दु़म्‍पा मु़चु़ बिशप मेदु़म्‍नु़, मेएँ माला ने गु छो़म डोक्‍पु लिसिमा माम्‍चु़नीका शैतानलाई ग्‍वाम्‍डिम होङङा मेराम देन्‍दे गुलाई ग्‍वामी।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

१ तिमोथी 6:9

लावो खाप्‍चीचो़ दु़म्‍मु न बेपामिम ने मेजो़पा खारी बोमु न बेपा दु़म्‍मी, पेरडा हुमी, मा हाम ना हामकाम नुङ छो़म थो़मतेर्पा ननुङमा दु़म्‍मी। मेम्‍मा मेप्‍माम नका मु़चु़मिम फालु़मिमा पुयु़लुकु़मी।

२ तिमोथी 2:26

मा मेर्मिमकु न छ्‌यासी, मा शैतानकु पेरडाम लुमिमा स्‍वामी, उहेमका मेर्मिमलाई उमा न होम्‍साका दोमु बथाडु़मिम बु।

तीतस 2:5

मा त्‍वापलाई जो़होमका जु़ल्‍पा, सेपा न-गोनुङमा दु़म्‍पा, नेम-किम जो़होमका रेपा, न-थो़मनुङमा नुङ उनी वोचु़कु ल्‍वाडा बुमु सीमिनु़-चेमिनु़। मेम्‍साका माम्‍चु़नीकु सिजेमकु दुथाम सु़का वो मेजो़पा जेमु मेल्‍वामिनु़।

तीतस 2:8

मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।

३ यूहन्‍ना 1:12

खोत्‍ले मु़चु़का डेमेत्रियस छो़म जो़पा मु़चु़ र्‍वामी। मेम्‍मा गुका जो़पा खारी बु़मिमका आच्‍छाङाकाम सीसिडा गु लाम्‍दी र्‍वाक्‍पा ल्‍वासी। गुकु आकी त्‍वाका वो उमा दुथाम मेमङा र्‍वाकु, मा गुकु र्‍वाकुमिम ल्‍वा आच्‍छाङा र्‍वाक्‍पा गाना चना।