Biblia Todo Logo
Bìoball air-loidhne

- Sanasan -




१ तिमोथी 3:2 - थुलुङ राई

2 मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

Faic an caibideil Dèan lethbhreac




१ तिमोथी 3:2
20 Iomraidhean Croise  

मेर्चिप निफि ङा माम्‍चु़नीकु न-गो होप्‍माम बाच्‍ची, मिप्रङमाका बेबेट्‌मिडिम खोत्‍ले खारी नुङ डु़म्‍ला जो़होमका बेपा मु़चु़ बाच्‍ची।


आशेर दोचो़लाममिम फनिएलकु जाउमो चो़ हन्‍ना नङकाम माम्‍चु़नीलाम जेपा कोले ङामी मेसेम मे सो़रनेमगोनो बाइडा। गुका लालीकुन्‍दा बु़डु़म येतले थ चङडा उमा वोचु़ सिडाम बाइडा,


ङाचो़ येशू ख्रीष्‍टकु सेपा मु़चु़मिमकु खेरेलाडा ख्‍लो़नी, नेमडा रोक्‍पा बोच्‍चो़मिमकु चापे-डुपे बेनी।


मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।


डिकन कोलेङा नाइमे बाट्‌पा, त्‍वाकु चो़च्‍चो़मिमलाई र्‍वाकिमिम थो़पा दु़म्‍बेट्‌पा, त्‍वाकु नेमडाममिमलाई जो़होमका डु़ल्‍मु चापा दु़म्‍मिनु़।


मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।


मेर्मिमका लालीकुन्‍दा मेबेनी र्‍वामी। मेकोतिमा थो़र लु़पामिम नुङ आच्‍छाङाकाम ल्‍वा चक्‍पामिमका आला-तोमानुङ पोमु बासिक्‍पा माम्‍चु़नीका प्रङ्‌मिडिम याङ-याङ पोमु-डुमुडाम वाङ बानी र्‍वामी।


मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।


कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।


कोलेनुङ कोङङा लालीकुन्‍दा दु़स्‍ताम मा रु धु़म (६०) थ रोक्‍थिट्‌पा अर्दोमेकाम कोङङा अर्दोमेकु नङ र्‍याखोपडा र्‍याका।


माम्‍चु़नीकु डु़ल्‍चो़का रिबुसी किसि मेनु़, लावो खोत्‍लेनुङ दु़पा, सीमुचापा, इम्‍सिक्‍पा,


ङावा मु़चु़मिमलाई मिम्‍साका खारी बेपा, डोक्‍पु मिम्‍मुका घ्रेट्‌पा, त्‍वापलाई जो़होमका जु़ल्‍पा दु़म्‍मु सीडामी। माम्‍चु़नीडा मेर्मिमका छो़म डोक्‍पु थो़र बोमिनु़, मा रिखामनुङमा नुङ इम्‍मु चापा दु़म्‍मिनु़।


इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।


गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।


सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।


सु़म्‍बुर्मा मेकिसाका कोलेका कोलेकाम चापे-डुपे बेबेनी।


इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।


Lean sinn:

Sanasan


Sanasan