१ तिमोथी 3:13 - थुलुङ राई

¹³ हेङालोने डिकनका बोमु बासिक्‍पा खारी उहेमका जो़होमका बोमी मेर्मिम जो़पा नङ फोन्‍सिक्‍पा दु़म्‍मी, मा ख्रीष्‍ट येशूडा बेम्‍डिम उनीमा थो़र छो़म बर्तो ल।

१ तिमोथी 3:13 Iomraidhean Croise

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

लूका 19:17

“हपका मेरामलाई र्‍वाक्‍ता, ‘छ्‌यावा! गाना छो़म जो़पा डु़ल्‍चो़, कतिकलङडाङा थो़रलु़इमिम दु़म्‍ना, को धु़म शहरडला गाना साखाम थो़पा दु़म्‍ना।’

थु़र्मा 21:35

सिपाहीमिमका पावल लम्‍डिमा लम्‍डिलो सेर्पा मु़चु़मिमका चङचङ खात्तो लम्‍डी। देम्‍कुलीलाम गेले गेमु खाप्‍मिडिलो सेर्पा मु़चु़मिमका पावललाई सेन्‍मु माल्‍मिडिमका सिपाहीमिमका पावललाई कोम्‍डिमा लम्‍डी।

थु़र्मा 6:15

मेकोतिलो मे डोक्‍पु घ्रो़म्‍दीडा बाट्‌पा खोत्‍लेका स्‍तिफनसलाई रेप्‍मिडिम-रेप्‍मिडिम ङा बेम्‍डी, मा स्‍तिफनसकु ङाली पाह्रीचो़कु ङाली होप्‍माम ङा ल्‍वाम्‍डी।

थु़र्मा 6:5

ओराम ल्‍वा खोत्‍लेकु नडा लस्‍ता, मा मेसिन्‍डा खोम्‍सिट्‌पा खोत्‍लेङा बिम्‍सिम्‍डी। मेम्‍मा माम्‍चु़नी-पेलका लु़न्‍सिपा नुङ खोत्‍लेका थो़रलु़म्‍डिम स्‍तिफनस, फिलिप, प्रखरस, निकनोर, तीमोन, पर्मिनास नुङ एन्‍टिओखियाडाम चङ्‌डा यहूदी दु़म्‍पा निकोलाउसलाई मेर्मिमका छेट्‌मिडी।

थु़र्मा 6:8

स्‍तिफनसकाडा माम्‍चु़नीकु दिदाम नुङ यु़म छो़म बाइडामका मु़चु़मिमगोडा छो़म डोक्‍पु-डोक्‍पु छेखोपमिम नुङ यु़मखारीमिम बु़डु़।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

१ तिमोथी 3:14

गो इमाडा दालाङा रोङु र्‍वाक्‍पा आमा न बु, लावो गो गानालाई सेलाखाजेम र्‍याक्‍तोङा लेट्‌पु,

२ तिमोथी 2:1

आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।