१ तिमोथी 3:10 - थुलुङ राई

¹⁰ मेर्मिमलाई वो ङादो छाम्‍मु बासी, मा मेर्मिमलाई मुमा बेन्‍मु बासिक्‍पा ल्‍वा मेलुकावा माला डिकनकु खारी बोमु चाम्‍मी।

१ तिमोथी 3:10 Iomraidhean Croise

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

कलस्‍सी 1:22

लावो माम्‍चु़नीका गानीलाई उनी त्‍वापनुङ न-थो़म घ्रो़म्‍बेट्‌मिडिम बु। उनीमा मिक्‍सीलामडा गानी सेपा दु़म्‍मु, छु़ल मान्‍थिम दु़म्‍मु मा मुमा मान्‍थिम दु़म्‍मु लागि मिरो़मडा ख्रीष्‍ट सिम्‍डिमलामका गुमीका आरे दु़म्‍बेट्‌मिडी।

१ तिमोथी 3:13

हेङालोने डिकनका बोमु बासिक्‍पा खारी उहेमका जो़होमका बोमी मेर्मिम जो़पा नङ फोन्‍सिक्‍पा दु़म्‍मी, मा ख्रीष्‍ट येशूडा बेम्‍डिम उनीमा थो़र छो़म बर्तो ल।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

१ तिमोथी 3:6

मालो थो़र लु़पा दु़म्‍पा मु़चु़ बिशप मेदु़म्‍नु़, मेएँ माला ने गु छो़म डोक्‍पु लिसिमा माम्‍चु़नीका शैतानलाई ग्‍वाम्‍डिम होङङा मेराम देन्‍दे गुलाई ग्‍वामी।

१ तिमोथी 5:22

कोङनिमडला ल्‍वा जु़ल्‍साका थुमु छु़रु़प-छु़रु़प मेदु़प्‍सा। कोङनिम मु़चु़कु छु़लडा मेङोल्‍सा। छु़ल बोमुडाम गाना वाङ बाया।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।