१ तिमोथी 2:5 - थुलुङ राई

⁵ माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।

१ तिमोथी 2:5 Iomraidhean Croise

मत्ती 1:1

ओराम येशू ख्रीष्‍टकु पाइमाखाकाम नङमिमकु सु़म्‍दिमोलोम ल्‍वा सो़। येशू ख्रीष्‍ट दाऊदकु दोचो़लामका रोम्‍डी, मा दाऊद अब्राहामकु दोचो़लाममिम बाइडा।

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

लूका 14:22

“मेकोतिमा डु़ल्‍चो़का उ नेमहपलाई र्‍वाक्‍ता, ‘ङाचो़का र्‍वाक्‍निम होप्‍माम खोत्‍ले मु़चु़मिमलाई रेत्तोमिम बु। लोवो आथावो बोच्‍चो़मिम गन्‍खोप खोम ने हापाङा बु।’

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

१ कोरिन्थी 8:4

मेम्‍मिमका ङाटालाई ग्‍वाक्‍मा पोमु-डुमुकु दुथाम र्‍वाकी माला सु़म्‍दिसेरडाम ङाटा हाम वो मेएँ, मा कोले माम्‍चु़नीडाम वाङमिम सु़ वो मेबुमी र्‍वाक्‍पा ल्वा गुइ चडिम बु।

१ कोरिन्थी 8:6

लोवो इकीमा लागि ने कोलेङा माम्‍चु़नी पाप बुमी। गुमीका खोत्‍ले प्रङ्‌मिडी, उनीमा लागि गुइ बुइमिम। इकीमा लागि कोलेङा ङाचो़, येशू ख्रीष्‍ट सो़, गुमीलामकाङा माम्‍चु़नीका खोत्‍ले प्रङ्‌मिडी, मा गुमीलामकाङा गुइ बुइमिम।

गलाती 3:20

नले मु़चु़कु थेतेडा दु़म्‍पाका ने नलेकाम लागि जे, लावो माम्‍चु़नीका अब्राहामनुङ याचे जेम्‍डिलो ने वाङमिम मु़चु़ मेथु़र्साका गुमी उनी त्‍वापङा जेम्‍डी।

एफिसी 4:6

गुइ खोत्‍लेकाम कोलेङा माम्‍चु़नी, मा उनीमा मु़चु़मिम खोत्‍लेकु पाप गुमी। गुमीका उनीमा खोत्‍ले मु़चु़मिमडला साखाम थो़मी, मेम्‍मा गुमीका उनीमा खोत्‍ले मु़चु़मिमलामका खारी बोमी, मा उनीमा खोत्‍ले मु़चु़मिमनुङ दु़म्‍मी।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

हिब्रू 12:24

लाले सो़रख्रेप्‍साक्‍पा येशूकाडा, मा हाबिलकु सिसिडाम वो जो़पा ल्‍वा जेपा रक्‍मा सिसिकु ङादोडा गानी रोक्‍निम बु।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

हिब्रू 8:6

लावो येशूलाई माम्‍चु़नीका ग्‍वाम्‍डिम डु़म्‍लाचो़कु खारी ने वाङमिम डु़म्‍लाचो़मिमलाई ग्‍वाक्‍मा खारीडाम डोक्‍पु बु। मेम्‍साका येशूका माम्‍चु़नीलाम उनीमा मु़चु़मिमकाडा रेट्‌मिडिम लाले सो़रख्रेप्‍सी ङादोम सो़रख्रेप्‍सीडाम छो़म डोक्‍पु बु। हेङालोने लाले सो़रख्रेप्‍सी ने मेरामडाम वो छो़म जो़पा ल्‍वामिमकु याचे जेसीलाम बनेबेम्‍डिम बाइडा।

हिब्रू 9:15

माम्‍चु़नीका याचे जेम्‍डिम हेल्‍लो लोवो दु़म्‍पा जिवामिम गुमीका थुट्‌मिडिम मु़चु़मिमकाङा ल्‍वामिनु़ र्‍वाक्‍साका येशू ख्रीष्‍टका माम्‍चु़नीलाममिम लाले सो़रख्रेप्‍सी मु़चु़मिमगोडा रेट्‌मिडिम बु। ङादोम सो़रख्रेप्‍सी बाइडाम थारीका बेम्‍डिम छु़ललामका मु़चु़मिम सेल्‍सिमु ल्‍वामिनु़ र्‍वाक्‍साका ङाचो़ येशू सिम्‍डिम बु।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

रेम्‍बेट्‌मिडिम ल्‍वा 1:13

मा मे धिप्‍री चाखोपमिम गोडा “मिनीचो़” होप्‍माम कोले बाम्‍डी। गुमीका उनीमा खेलफारसम्‍म ताम्‍सिक्‍पा हुम-ये फम्‍तासिम्‍डी, मा सो़नाकु फिता उनीमा धक्‍चीधाली बन्‍थाम्‍डी।