१ तिमोथी 2:4 - थुलुङ राई

⁴ माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

१ तिमोथी 2:4 Iomraidhean Croise

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

लूका 1:77

उनीमा मु़चु़मिमलाई उनीमा छु़लमिम हेम्‍सिट्‌मी, मा सेल्‍सिमी र्‍वाक्‍पा न ग्‍वानामी।

लूका 14:23

“नेमहपका उ डु़ल्‍चो़लाई र्‍वाक्‍ता, ‘हापा भापा लाम्‍दी नुङ याक्‍के लाम्‍दीबाडे लक्‍सामा मु़चु़मिमलाई रोक्‍नीमा रोक्‍नी बेमी, मा मे मु़चु़मिमका आमा नेम देम्‍नु़।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 17:17

मेर्मिमलाई आच्‍छाङाम ल्‍वाडा सेपा दु़म्‍बेट्‌नी, इनीमा सिजेम आच्‍छाङाम बु।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

१ तिमोथी 4:10

गुइ हेल्‍लो लोवो बुमिमिम माम्‍चु़नीलाम हाम-हुम ल्‍वापा न बिइमिम बु, गुमी ने खोत्‍लेकाम सेल्‍पा मा मेरामडाम वो थो़र लु़पामिमलाई सेल्‍पा सो़। मेम्‍मिमका गुइ ब्राम्‍दु़ल्‍वा नुङ मेझापातो खारी बिइमिम बु।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

२ तिमोथी 3:7

मेर्मिम मेसेममिमका सीम्‍सिमु ने हेल्‍लो लोवो सीम्‍सिमी लावो माम्‍चु़नीकु दुथाम आच्‍छाङाकाम ल्‍वा हेल्‍लो वो थेसिमेथेट्‌मी।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

हिब्रू 10:26

गुइ आच्‍छाङाकाम ल्‍वा थेडिमिम चङडा वो चक्‍सा-चक्‍सा छु़ल बिइहोम बुइ माला ने छु़ल हेम्‍मु लागि सासेसी हाम वो मेदु़म,

याकूब 3:14

इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

२ यूहन्‍ना 1:1

माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।