१ तिमोथी 2:10 - थुलुङ राई

¹⁰ लावो माम्‍चु़नीकु सो़रलोले बेउ र्‍वाक्‍पा मेसेमका जो़पा खारीका उ त्‍वापलाई घ्रेट्‌पा ल्‍वासिक्‍पा बनेबोमु बासी।

१ तिमोथी 2:10 Iomraidhean Croise

थु़र्मा 9:36

योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

थु़र्मा 9:39

पत्रुस बक्‍तामा मेर्चिपनुङ लस्‍ता। पत्रुस योप्‍पाडा रोक्‍फाड्‌डामा मु़चु़मिमका गुलाई नेमडलाम बाखोपडला लम्‍डी। खोत्‍ले अर्दोमेमिमका ने तबीता मेर्मिम खोत्‍लेनुङ बाइडालो बनेबु़डु़म हुम-ये नुङ वाङमी ये रेम्‍बेत्तो पत्रुसलाई उर्मिडिमा ख्राप्‍मिडी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

१ तिमोथी 2:11

थो़रलु़पामिम घ्रो़म्‍पा थारीका मेसेममिमका छो़म याक्‍के दु़म्‍साका नुङ लिबा बात्तो सिम्‍सिमिनु़।

१ तिमोथी 2:9

मेम्‍साकाङा मेसेममिमका वो फसिसि नु़पा नुङ घ्रेट्‌पा ये फम्‍सिमिनु़, सेम हापा बनेमेबेसाका सो़ना, दिरिल्‍य नुङ हापा थिकाम ये फसिक्‍साका मेएँ,

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

२ पत्रुस 3:11

खोत्‍ले आरेसाकाङा पुयु़लुमी। मेम्‍मिमका गानी हेप्‍माम मु़चु़ दु़म्‍मु बासी? गानी सेपा दु़म्‍साका माम्‍चु़नीकु लाम्‍दीडा लाम्‍दिमु बासी।

रेम्‍बेट्‌मिडिम ल्‍वा 2:19

इमा खारीमिम, इमा रिखाम नुङ थो़र, इमा ङोप्‍सो़मिमलाई ख्‍लो़नामिमिम नुङ मेचाप्‍तो इम्‍थानामिम गो चक्‍पु। मेम्‍मा गाना ङादो थो़र लु़न्‍नालो बेन्‍नामडाम वो हापा ओम्‍लो बोनामिम बु।