१ तिमोथी 1:9 - थुलुङ राई

⁹ डु़म्‍ला जो़पा मु़चु़मिमकाम लागि मेएँ र्‍वाक्‍पा वो गुइ च, लावो डु़म्‍ला होम्‍साका मेदोपामिम, लु़म्‍ला मेबेडिचो़मिम, माम्‍चु़नीकु सो़रलोले मेबेपामिम, मा छु़लचो़मिम, मेसेपा नुङ माम्‍चु़नीलाई डोक्‍पु मेबेपा, माम-पाप नुङ मु़चु़ सेट्‌पामिमकाम लागि,

१ तिमोथी 1:9 Iomraidhean Croise

मत्ती 10:21

“वा-ल्‍वाकका वा-ल्‍वाकलाई सेन्‍मु लागि चु़म्‍बेन्‍मी। मेम्‍मा पापका उ चो़मिमलाई चु़म्‍बेडु़, मा चो़मिम उनी माम-पापकु कोर्थो़लाम बमिमा मेर्मिमलाई सेन्‍बेन्‍मी।

रोमी 1:30

मा वाङमिमलाई डक्‍साका जेमी, माम्‍चु़नीडाम घ्राम्‍सिमी, सु़लाई वो जो़पा मेबोमी, डोक्‍पु लिसिमी, डोक्‍पु ल्‍वा बोमी, मेजो़पा ल्‍वा माल्‍सा माल्‍सा ख्‍लुमी, मेर्मिमका माम पापकु ल्‍वा मेथो़मी।

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

रोमी 5:20

डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

गलाती 3:19

मेम माला डु़म्‍ला हेङा चाहे दु़स्‍ता मा? मु़चु़मिमका मेजो़पा खारी बोमी र्‍वाक्‍पा ल्‍वा रेम्‍बोमु लागि माम्‍चु़नीका अब्राहामनुङ याचे जेम्‍डिम मेराम चो़-चु़सु़ मेयोक्‍थु़मसम्‍म डु़म्‍ला मु़चु़मिमगोडा थु़र्मिडी। मेराम डु़म्‍ला ने माम्‍चु़नीका पाह्रीचो़मिमलाम मु़चु़मिम नुङ माम्‍चु़नीकु थेतेडा दु़म्‍पा मोशालाई ग्‍वाम्‍डिम बाइडा।

गलाती 5:18

लावो गानी माम्‍चु़नी-पेलका र्‍वामिम होम्‍साका लाम्‍दिनी माला गानीलाई डु़म्‍लाका बन्‍थामु मेचाम्‍नी।

गलाती 5:21

नो़ मेनु़मु, डु़सेवा दु़म्‍मु, नसीहोम बोम्‍बाल्‍मु मा आरेप्‍मामङा वाङमिम खारी बोमु। आरेप्‍माम खारी बेपाका ने माम्‍चु़नीकु किब्‍दीगोडा हुमु मेल्‍वासु़। मेम्‍मिमका गानी चङचङया बानी र्‍वाक्‍साका ङादो वो र्‍वाङ्‍डोम बाइडा, मा ओम्‍लो वो र्‍वाक्‍तोङा बेउ।

गलाती 5:23

याक्‍के दु़म्‍मु चापा, त्‍वाका त्‍वापलाई जो़होमका जु़ल्‍मु चापा। आरेप्‍माम ल्‍वामिमकु कोर्थो़लाम उहेम वो डु़म्‍ला मिबु।

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

१ तिमोथी 4:7

माम्‍चु़नीकु सो़रलोले मेदु़म्‍पा नुङ हाम ना हामकु ल्‍वामिमडाम वाङ बाया, मा माम्‍चु़नीकाम कोङङा सो़रलोले बोमु सीसा-चेसा।

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

२ तिमोथी 2:16

हाम ना हामकु ल्‍वामिम नुङ माम्‍चु़नीकु नङ मेकोसिक्‍पा ल्‍वामिमडाम वाङ बाया, हेङालोने ओराम ल्‍वाका मु़चु़मिमलाई माम्‍चु़नीडाम होनोवा दु़म्‍बेडु़मी।

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

तीतस 1:10

हाम ना हामकु ल्‍वा बेपा, वाङमिमलाई लु-फेले बेपा मा र्‍वाकिमिम मेथो़पा मु़चु़मिम हापाङा दु़म्‍मी। सेल्‍सिमु लागि खिरिरि-क्रिप्‍सी बोमुङा बासी र्‍वाक्‍पामिमगोडाम आरेप्‍माम मु़चु़मिम ने हापाङा बुमी।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

तीतस 1:6

एल्‍डर मुमा बेन्‍ला मेसो़सिक्‍पा, कोलेङा नाइमे बाट्‌पा दु़म्‍मु बासी। मेरामकु चो़मिम थो़रलु़पा, उनी हाम बेबेद्‌वा मेराम मेबेपा, मा र्‍वाकिमिम थो़पा दु़म्‍मु बासी।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

हिब्रू 11:31

थो़रकाङा छो़लो़मा राहाबका चो़पाचो़चिपलाई जो़होमका रङडु़चिमका माम्‍चु़नीका र्‍वाम्‍डिम मेथो़पामिमनुङ गु मेसेन्‍सावा।

हिब्रू 12:16

सु़ वो वाङमिम मेसेमनुङ अम्‍पा लोवो माम्‍चु़नीलाई डोक्‍पु मेबेपा एसाव होप्‍माम मेदु़म्‍नु़, एसावका तोङदीचो़ दु़स्‍ताम उमा साखाम कोसि पोमुडा भ्रेड्‌डु़म बाइडा।

१ पत्रुस 2:7

मेम्‍मिमका गानी उहेमका थो़रलु़नी, इनीमा लागि गुमी ने इनी डोक्‍पु दु़म्‍सी सो़, लावो थो़रमेलु़पामिमकाम लागि ने, “उहेम लुङ नेम चिर्पामिमका पार्मिडी, मेरामङा नेमकु फारगोयु़म डोक्‍पु लुङ दु़स्‍ता।”

१ पत्रुस 3:20

मेर्मिमका माके माम्‍चु़नीका र्‍वाम्‍डिम होम्‍साका मेबेमिवा। नोआका कुबी-बोक्‍सा बनेबु़डु़लोसम्‍म माम्‍चु़नीका इम्‍साका लम्‍थाट्‌मिडिम बाइडा। मेराम कुबी-बोक्‍सागोनो खोत्‍ले लेत्‍ले मु़चु़मिम कोङङा कुड्‌डा प्‍लु़म्‍सिमुडाम सेल्‍सिम्‍डिम बाइडा।

१ पत्रुस 4:18

मेम्‍मा, “माम्‍चु़नीकु नहोङङा खारी बेपामिम ने मेझामहोमका सेल्‍सिमी माला माम्‍चु़नीकु लाम्‍दीडा मेलाम्दिपामिम नुङ छु़लचो़मिम ने हे दु़म्‍मी?”

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।