१ तिमोथी 1:3 - थुलुङ राई

³ गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

१ तिमोथी 1:3 Iomraidhean Croise

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

फिलिप्‍पी 2:24

मेम्‍मा गो आ त्‍वाप दालाङा रोङु र्‍वाक्‍पा ङाचो़ येशूडा थो़र लु़ङडोम बु।

१ तिमोथी 4:11

ओर्मिम ल्‍वा मेर्मिमलाई सीडामिमा बेबेडामी।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ तिमोथी 5:7

ओर्मिम खोत्‍ले सीसि थो़र लु़पामिमलाई सीडामी, मा मेर्मिम मुमा बेन्‍ला मेसो़म्‍सिमी।

१ तिमोथी 6:10

हेङालोने खउलुङ द्‌वामसिमुङा खोत्‍ले मेजो़पा ल्‍वामिमकु सक्‍फार सो़। खउलुङकु रारी बेसाका कोङ-कोङ मु़चु़मिम थो़र लु़मु डिसाका मेजो़पा लाम्‍दीथो़ लम्‍डिम बु, मा दु़खा ल्‍वामिमका मेर्मिमकु थो़मबोक छो़म ख्‍वाक्‍थाडु़मिम बु।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

२ तिमोथी 1:18

ख्रीष्‍ट योमिमिम थारीनेम ङाचो़का ओनेसिफरसडला न-थो़म रेम्‍बोमिनु़। एफिसस शहरडा गुका गुइलाई ख्‍लो़साड्‌डाम बाइडा र्‍वाक्‍पा ने गाना त्‍वाकाङा वो ल्‍वान्‍नाम बु।

२ यूहन्‍ना 1:7

लिमा ल्‍वा सीपा मु़चु़मिम सु़म्‍दिसेरडा रोम्‍डिम बु। मेर्मिमका येशू ख्रीष्‍ट मु़चु़ दु़म्‍साका योम्‍डिम मेएँ र्‍वामी। आरेप्‍माम मु़चु़ लिमाचो़ नुङ ख्रीष्‍टकु कोर्थो़लाम बक्‍पा मु़चु़ सो़।

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।