१ तिमोथी 1:19 - थुलुङ राई

¹⁹ हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ तिमोथी 1:19 Iomraidhean Croise

मत्ती 6:27

गानी मिम्‍ताम-सो़र्ताम बोनिमिमका इनी सो़ररिप किचो़ लोवो बर्बेन्‍मु चाम्‍नी मा?

१ कोरिन्थी 11:19

गानीगोडाम आच्‍छाङाकाम मु़चु़ छेम्‍सिमु गानीगोडा गो-फ दु़म्‍मुङा बासी डे!

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ तिमोथी 3:9

लावो माम्‍चु़नीका गुइलाई रेम्‍बेसाड्‌डामिम आच्‍छाङाकाम मेराम थो़र नुङ जो़पा न-गोका मेर्मिम लाम्‍दिमु चाम्‍मिनु़।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

१ तिमोथी 6:21

आरेप्‍माम लिमा ल्‍वाडा थो़र लु़साका याङका उनी थो़र वो दाम्‍सोम्‍डिम बु। माम्‍चु़नीकु दिदाम गानानुङ दु़म्‍नु़।

१ तिमोथी 6:9

लावो खाप्‍चीचो़ दु़म्‍मु न बेपामिम ने मेजो़पा खारी बोमु न बेपा दु़म्‍मी, पेरडा हुमी, मा हाम ना हामकाम नुङ छो़म थो़मतेर्पा ननुङमा दु़म्‍मी। मेम्‍मा मेप्‍माम नका मु़चु़मिम फालु़मिमा पुयु़लुकु़मी।

२ तिमोथी 2:18

ओर्चिप आच्‍छाङाकाम ल्‍वालामका कोर्थो़ लक्‍चिम बु। सिमुलामका बग्‍गेट्‌पा थारी ङादोङा दु़म्‍मु दु़म्‍स्‍तु़ मा आथा ने मेदु़म र्‍वाक्‍साका ओर्चिपका हाङको मु़चु़मिमकु थो़र पुयु़लुक्‍साट्‌चिमिम बु।

२ तिमोथी 4:4

मु़चु़मिमका आच्‍छाङाकाम सीसि थो़मु डिन्‍मी, मा हाम ना हामकु सो़म्‍दीमिमडाङा थो़रलु़मी।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।

रेम्‍बेट्‌मिडिम ल्‍वा 3:8

इमा खारीमिम गो चक्‍पु। रेप्‍डा, इमा लागि गो लाम्‍चोको होल्‍साट्‌निम बु, मेराम सु़का वो ख्‍लु़न्‍मु मेचाम्‍मी। गानानुङ कि-कि यु़म बु मेम मावो आमा सिजेम होङङा गाना लाम्‍दिन्‍नाम बु मा गाना थो़रलु़इमिम दु़म्‍नाम बु।