१ तिमोथी 1:18 - थुलुङ राई

¹⁸ आमा तारापाचो़ होप्‍माम तिमोथी, इमा दुथाम ङादो माम्‍चु़नीलाम जेम्‍मा होङङा गो गानालाई बेबेनी। जो़पा क्‍वाल्‍बा बोमु मेर्मिम ल्‍वा होङङा बे।

१ तिमोथी 1:18 Iomraidhean Croise

थु़र्मा 16:1

पावल डर्बी नुङ लुस्‍त्रा शहरडा वो रोक्‍ता। मेसिन्‍डा तिमोथी र्‍वाक्‍मा कोले सीसिपा बाइडा। मेराम कोले थो़रलु़पा यहूदी मेसेमकु तारापाचो़ बाइडा, लावो उ पाप ने ग्रीक बाइडा।

१ कोरिन्थी 4:17

ओरामकाम लागि ङा गो तिमोथीलाई इनीमाडा थु़र्तोङा लेट्‌पु। गु ङाचो़ येशूकु थो़र लु़इमिम आमा द्‌वादीबुङ तारापाचो़ सो़। गो खोत्‍लेथो़ मा खोत्‍ले मण्‍डलीडा सीत्तोमिम होम्‍साकाङा ख्रीष्‍ट येशूडा आमा त्‍वारो़मडा गो हेसाका बुङुमिम बु, मेराम गुका गानीनुङ सो़यु़।

१ कोरिन्थी 9:7

त्‍वाकाम पेसाका सु़का सिपाहीकु खारी बु़ मा? अङ्‍गूर ख्‍लिपाका सु़का अङ्‍गूर मेपु़ मा? पितु-मेसु़ डु़लु़मा सु़का मेरामकु दु़दु़ मेडुङु़ मा?

फिलिप्‍पी 2:22

लावो तिमोथी ने हेप्‍माम मु़चु़ र्‍वाक्‍पा गानी चनिमङा बु, मा चो़का उमा पापनुङ बु़मिम होङङा गुका गोनुङ जो़पा-सेलाकु खारी बु़डु़म बु।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

१ तिमोथी 4:4

माम्‍चु़नीका प्रङ्‌मिडिम खोत्‍ले जो़पाङा बु, मा ओर्मिम खोत्‍लेकाम लागि गुमीलाई आलासो़ ग्‍वाक्‍साका पिइ-डुङी माला नु़,

१ तिमोथी 6:20

तिमोथी, माम्‍चु़नीका गानालाई हाम बेबेट्‌नामिम बु मेराम चङचङया दु़म्‍साका बे। माम्‍चु़नीकु सीसिकु कोर्थो़लाम बक्‍साका सीसिपामिमका माम्‍चु़नीकु नेप्‍चीलामका सीपा लिम्‍सिमी, लावो मेराम ने आच्‍छाङाकाम सीसि मेएँ सो़। आरेप्‍माम मु़चु़मिमडाम वाङ बाया।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

फिलेमोन 1:10

ओराम चसिखोपगोडा गो ओनेसिमसलाई येशू ख्रीष्‍टडा थो़र लु़बेत्तोमका गु आमा तारापाचो़ होप्‍पाम दु़स्‍ताम बु। मेम्‍मिमका गुडला न-थो़म रेम्‍बे र्‍वाक्‍साका छो़म र्‍वाङु।