१ तिमोथी 1:15 - थुलुङ राई

¹⁵ छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

१ तिमोथी 1:15 Iomraidhean Croise

मत्ती 1:21

गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

मत्ती 18:11

[हेङालोने मिनीचो़ ने दाम्‍पा मु़चु़मिम ङा सेल्‍मु लागि योक्‍ताम सो़।]

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

मर्कूस 2:17

आरे र्‍वाक्‍पा थो़म्डिमका येशूका मेर्मिमनुङ र्‍वाम्‍डी, “मेनो़पालाई डाक्‍टर मेबासी, लावो नो़पाका मोकु़, जो़पा-नगोनुङमालाई मेएँ छु़लचो़लाई येड्‍डा गो योङडोम।”

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

लूका 5:32

माम्‍चु़नीकु न-गो होप्‍माम लिसिक्‍पा मु़चु़लाई गो येड्‌डा योङडोम मेएँ, लावो माम्‍चु़नीकु न-गो होप्‍माम मेबाट्‌पा छु़लचो़मिमकु न ख्‍लोसिनु़ र्‍वाक्‍साका योङडोम सो़।”

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

यूहन्‍ना 12:47

“कोङनिमका आमा सिजेम थो़सु़ लावो मेराम होङ्‍ङा मेबु़ माला गो मेरामकु निया मेबेउ। हेङालोने गो सु़म्‍दिसेरकु निया बेप्‍डा योङ्‌डोम मेएँ, लावो सु़म्‍दिसेर सेल्‍मु लागि योङ्‌डोम।

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

रोमी 5:6

सेल्‍सिमुकाम लागि गुइ इकी त्वाकाङा हाम वो बोमु मेचाप्‍सी। मेम्‍मिमका येशू ख्रीष्‍ट उनी त्‍वापङा गुइ छु़लचो़काम लागि माम्‍चु़नीका र्‍वाम्‍डिम थारीकाङा सिम्‍डी।

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ तिमोथी 3:1

ओराम र्‍वाक्‍मा आच्‍छाङा सो़, कोङनिम मु़चु़का बिशप दु़म्‍साका खारी बोमु माल्‍लु़ माला मेरामका छो़मङा जो़पा खारी बोमु मालु़मिम दु़म सो़।

१ तिमोथी 4:9

ओराम ल्‍वा आच्‍छाङा नुङ खोत्‍लेका रमुका घ्रेट्‌पा बु सो़,

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

२ तिमोथी 2:11

ओराम ल्‍वा थो़रलु़इमिम बु: गुइ गुमीनुङ सिइडिम बु माला गुइ गुमीनुङङा नु़इ,

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

१ यूहन्‍ना 5:11

गुमीका सो़म्‍डिम ल्‍वा ओरामङा: माम्‍चु़नीका गुइलाई हेल्‍लो वो मेसिपा त्‍वारो़म ग्‍वाक्‍साड्‌डामी मा ओराम त्‍वारो़म उनीमा तारापाचो़डा बु।

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।