१ तिमोथी 1:14 - थुलुङ राई

¹⁴ इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 1:14 Iomraidhean Croise

मत्ती 20:9

“ङो (५) जेस्‍तालो आथाम खारी बोमु चो़म्‍पामिम रोम्‍डिमा खोत्‍लेका नेम्‍तोमकाम खउलुङ ल्‍वाम्‍डी।

थु़र्मा 15:11

लावो मेर्मिम नुङ गुइ ङाचो़ येशूकु दिदामका सेल्‍सिड्‌डिम बु र्‍वाक्‍साका गुइ थो़र लु़इडिम बु।”

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 3:10

माम्‍चु़नीका गोलाई दिदाम ग्‍वाङडिमिमका नेम बनेबेसी थेट्‌पा मु़चु़ होम्‍साका फार गत्तो मा कोङनिमका मेरामडला नेम बनेबु़। लावो मेरामडला बनेबेत्तो लक्‍पाका हेसाका बनेबोमु बासिक्‍पा मेराम ल्वाडा चङचङया बुमु बासी।

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

१ थेसलोनिकी 1:3

थो़रका बेबेट्‌निम इनीमा खारी, रिखामका बेबेट्‌निम ब्राम्‍दु़ल्‍वा नुङ इकीमा ङाचो़ येशू ख्रीष्‍टडाम हाम हुम ल्‍वापा नका बेबेट्‌निम इनीमा इम्‍सी माम्‍चु़नी पापनुङ सो़म्‍दी बोकुलो मिम्‍कुम बुकु।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

१ तिमोथी 2:15

लावो मेसेममिमका घ्रेट्‌पा दु़म्‍साका थो़र, रिखाम, नुङ माम्‍चु़नीकु न होङङा खारी बेत्तो बाम्‍डी माला चो़च्‍चो़ गमिम थारीका मेर्मिम सेल्‍सिमी।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

१ तिमोथी 6:11

लावो गाना माम्‍चु़नीकु लाम्‍दीडा लाम्‍दिपा मु़चु़, ओर्मिम खोत्‍ले ल्‍वामिम ङेडा, मा माम्‍चु़नीकु न होङङा बे, उनीमा सो़रलोले बे, थो़र, रिखाम, इम्‍सी नुङ याक्‍के दु़म्‍सीडा लाम्‍दिमु चापा दु़प्‍सा।

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 2:22

मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

तीतस 2:2

ङावा मु़चु़मिमलाई मिम्‍साका खारी बेपा, डोक्‍पु मिम्‍मुका घ्रेट्‌पा, त्‍वापलाई जो़होमका जु़ल्‍पा दु़म्‍मु सीडामी। माम्‍चु़नीडा मेर्मिमका छो़म डोक्‍पु थो़र बोमिनु़, मा रिखामनुङमा नुङ इम्‍मु चापा दु़म्‍मिनु़।

१ पत्रुस 1:3

माम्‍चु़नी नुङ इकी ङाचो़ येशू ख्रीष्‍टकु पापकाम नङ कोसिनु़। छो़म उनी न-थो़मका येशू ख्रीष्‍टकु सिमुलाममिम बग्‍गेसीलामका मेसिपा नकाम लागि गुइ लाले दु़म्‍साका गस्‍तिम बुइ।

१ यूहन्‍ना 4:10

रिखाम ओरामङा सो़: माम्‍चु़नीलाई गुइ रिखाम बिडिम मेएँ, लावो गुमीका गुइलाई रिखाम बेसाड्‌डामी, मा इकीमा छु़लमिम हेम्‍सामु सासेन्‍सिप्‍डा उनीमा तारापाचो़ थु़र्मिडी।

रेम्‍बेट्‌मिडिम ल्‍वा 22:21

ङाचो़ येशूकु दिदाम माम्‍चु़नीकु मु़चु़मिमनुङ दु़म्‍नु़। आमेन।