१ तिमोथी 1:13 - थुलुङ राई

¹³ ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

१ तिमोथी 1:13 Iomraidhean Croise

लूका 12:47

“उ नेमहपकु नड्‍डाम ल्‍वा थेसिथेसाका वो मेराम होम्‍साका खारी मेबेपा, मा मेझो़म्‍जोल्‍सिट्‌पा डु़ल्‍चो़ ने छो़म याल्‍ला सो़सी।

लूका 23:34

येशूका र्‍वाम्‍डी, “माम्‍चु़नी, ओर्मिम मु़चु़लाई पाचो ग्‍वाक्‍निमी, हेङालोने मेर्मिमका हाम बेत्तोङा लेन्‍मी मेराम मेचमी।” मेम्‍मा सिपाहीमिमका चिठ्ठा ओप्‍साका येशूकु ये-सेम दो़म्‍डी।

थु़र्मा 22:4

गो ओराम लाम्‍दीडा लाम्‍दिपा मु़चु़मिमलाई उनी सिमुथारीसम्‍म थो़मतेर्साक्‍तोमी। मेकोतिमा वोस्‍चो़-मेसेममिमलाई बसाका झ्‍यालखानडा चक्‍थाल्‍तोमी।

थु़र्मा 3:17

“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।

थु़र्मा 8:3

शाऊलका ने उनी नेम-नेमडा लस्‍तामा मण्‍डलीमिमलाई पुयु़ लुमु माल्‍लु़मिम बाइडा। गुका वोस्‍चो़-मेसेममिमलाई थु़त्तो लडु़मिमा झ्‍यालखानडा चक्‍थाल्‍लु़मी।

थु़र्मा 9:1

मेराम थारीसम्‍म वो शाऊलका येशूकु सीसिपामिमलाई सेनिनी र्‍वाक्‍साका ङिमसात्तो लाम्‍दिथाल्‍ला। मेकोतिमा गु डोक्‍पु ङाउ डु़म्‍लाचो़काडा लस्‍ता,

थु़र्मा 9:13

लावो हननियाका र्‍वाक्‍ता, “ङाचो़, मेराम मु़चु़का यरूशलेमडाम इनीमा थो़रलु़पामिमकाम छो़म उनी थो़मतेर्साड्‌डु़मिम ल्‍वा गो हापा मु़चु़मिमलामका थो़उतोम बु।

थु़र्मा 9:5

शाऊलका र्‍वाक्‍ता, “गानी सु़, ङाचो़?” मेकोतिमा गुमीका र्‍वाम्‍डी, “गो येशू, गाना आमा थो़मतेर्तोङा बोना।

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

गलाती 1:13

गो यहूदीमिमकु डु़म्‍लागोडा बाङडोलोम आमा दुथाममिम ल्‍वा ने गानी थो़न्‍निमङा बु, मेम बिलि गो माम्‍चु़नीकु मण्‍डलीगोडाम मु़चु़मिमकु हाङको छो़म थो़मतेर्साक्‍तोमी मा पुयु़लुबेन्‍मु माल्‍तोमी।

फिलिप्‍पी 3:6

माम्चु़नीकु लाले-पाङके बोमु नकु फेसिलोक्‍पाकु दुथाम र्‍वाकी माला येशूडा थो़र लु़पामिमकु थो़मतेर्साक्‍तोमिम, डु़म्‍ला होम्‍साका जो़पा दु़म्‍सीडा र्‍वाकी माला मेख्‍लो़साका मेराम होम्‍साका दोङडोम।

१ तिमोथी 1:16

लावो छु़लचो़मिमगोडाम छो़म डोक्‍पु छु़लचो़ दु़म्‍साका वो गोलामका येशू ख्रीष्‍टका खोत्‍ले इम्‍सिक्‍साका रेम्‍बोमु चाम्‍मिनु़, मा गुमीडला थो़र लु़साका हेल्‍लो वो मेसिपा त्‍वारो़म ल्‍वापामिमकाम लागि गो कोले रेम्‍बेपा मु़चु़ दु़म्‍मु चापुनु़ र्‍वाक्‍साका न-थो़म ल्‍वाउतो।

हिब्रू 4:16

गुइ दिदाम नुङ न-थो़म ल्‍वासाका इकीमा खेरेलाडा ख्‍लो़ला सो़म्‍सिमु लागि साखाम थो़पा दिदामनुङमा माम्‍चु़नीकु गन्‍खोप फार्डा मेङिसाका लक्‍सी।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।