१ तिमोथी 1:12 - थुलुङ राई

¹² इकीमा ङाचो़ येशू ख्रीष्‍टलाई आलासो़ र्‍वाङु, हेङालोने गुमीका गोलाई थो़र लु़इमिम मिम्‍ङिडिमिमा उनी लाले-पाङकेकु खारी बोमु थुट्‌ङिडिमिमा यु़म वो ग्‍वाङ्‌डिमी।

१ तिमोथी 1:12 Iomraidhean Croise

मत्ती 20:4

मेकोतिमा गुका मेर्मिमलाई र्‍वाक्‍ता, ‘गानी वो आमा अङ्‍गूर येडा खारी बेप्‍डा लक्‍नी। गानी ल्‍वामु बासिट्‌पा खउलुङ गो ग्‍वानिनी।’

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

थु़र्मा 9:22

लावो शाऊल यु़मचो़ दु़म्‍तो लस्‍ता, मा येशू ङा ख्रीष्‍ट र्‍वाक्‍पा आच्‍छाङा रेम्‍बु़डु़मा दमस्‍कसडाम यहूदीमिमलाई हाम र्‍वामु-र्‍वामु दु़म्‍बेड्‌डु़मी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

कलस्‍सी 1:25

माम्‍चु़नीका ङा गोलाई उनीमा डु़ल्‍चो़ दु़म्‍बेट्‍ङिडिमी, मा गानीलाई खोत्‍ले उनीमा सिजेम सो़साका मण्‍डलीकु खारी बेपा खुन्‍चु़म गुमिकाङा ग्‍वाङ्‌डिमिम बु।

१ तिमोथी 1:1

थो़रलु़सीडा आमा आच्‍छाङाकाम तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। गुइ ख्रीष्‍ट येशूलाम हाम हुम ल्‍वापा न बिइमिम नुङ गुइलाई सेल्‍पा इकीमा माम्‍चु़नीका बेबेट्‌ङिडिमिम होम्‍साका गो ख्रीष्‍ट येशूकु थु़र्मा सो़। माम्‍चु़नी नुङ इकीमा ङाचो़ ख्रीष्‍ट येशूलामका गाना दिदाम, न-थो़म, नुङ न-भ्रसी ल्‍वानानु़!

१ तिमोथी 1:11

ओराम सीसि आलाकाम इकीमा माम्‍चु़नीलामका योक्‍ताम बु। गुमीका गोलाई ओराम यु़मनुङमा सीसि सीमु ग्‍वाङडिमी।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

२ तिमोथी 4:17

लावो वाङसामामिम खोत्‍लेका थो़मु चाम्‍मिनु़ र्‍वाक्‍साका येशू गोनुङ दु़म्‍मिडी, मा खोत्‍ले जो़पा-सेला थो़बेन्‍मु चापा यु़म ग्‍वाङ्‌डिमी। मेकोतिमा गो धेन्‍द्राकु सिगोडाम वाङ दु़म्‍मु ल्‍वाउतो।

तीतस 1:4

गो थो़र लु़ङुमिम येशू ख्रीष्‍टडा ङा गाना वो थो़र लु़न्‍नामका आमा तारापाचो़ होङङा लु़ङुमिम तीतसलाई ओराम सेलाखाजेम र्‍याक्‍तोङा बेउ, माम्‍चु़नी इकी पाप नुङ गुइलाई सेल्‍पा येशू ख्रीष्‍टलामका गाना दिदाम नुङ न-भ्रसी ल्‍वानानु़!

फिलेमोन 1:9

गुची रिखाम बेबोचिमिमका गो याक्‍के दु़म्‍साका गानालाई छो़म र्‍वाङु, गो ङावा पावल ख्रीष्‍ट येशूकाम लागि ओम्‍लो चतासिक्‍पा,