१ तिमोथी 1:10 - थुलुङ राई

¹⁰ नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 1:10 Iomraidhean Croise

यूहन्‍ना 8:44

इनीमा पाप शैतान। गानी उमा चो़मिम। इनीमा पापकु न होङङा बोमु गानी न बोनी। मेराम ने सु़म्‍दिमोलो आथामङा मु़चु़ सेट्‌पा बाइडा। मेरामका आच्‍छाङाकाम ल्‍वा हेल्‍लो लोवो मेद्‌वाकु़वा, हेङालोने गुनुङ आच्‍छाङाकाम ल्‍वा वो मिबु। मेरामका लिमा थेडु़लो उ बेसी-दोसी होम्‍साकाङा जे, हेङालोने मेराम लिमाचो़, मा मु़चु़मिमलाई लिमा थेन्‍बेट्‌पा।

रोमी 1:26

मेम्‍मिमका माम्‍चु़नीका मेर्मिमलाई उनी घ्रामलु़पा न होम्‍साका खारी बोमु ग्‍वाम्‍डी। मेर्मिमका उनीमा त्‍वाकु वोचु़नुङ अम्‍मु डिसाका मेजो़पा नका मेसेम-मेसेम अम्‍मिडी।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

तीतस 1:13

मेर्मिमकु माम्‍चु़नीलाम-जेपा मु़चु़का सो़यु़डु़म ल्‍वा आच्‍छाङा सो़। मेम्‍मिमका मेर्मिमलाई छो़म ख्‍र्‍वाकामी, मा मेर्मिम छो़म डोक्‍पु थो़रनुङमा दु़म्‍मिनु़।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।

रेम्‍बेट्‌मिडिम ल्‍वा 18:13

पाताराङगी, मसला, धूप, मूर्र, हापा थिकाम धूप, अङ्‍गूरकु बिलाम, जैतूनकु तेल, जो़पा फुल, जेप्‍सेर, पितु-मु़सु़मिम, भेन्‍दामिम, घोडामिम, रथमिम, डु़ल्‍चो़ दु़म्‍मु भ्रेन्‍मिमिम मु़चु़मिम वो सु़का वो मेभ्रेमी।

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।