१ थेसलोनिकी 5:9 - थुलुङ राई

⁹ माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

१ थेसलोनिकी 5:9 Iomraidhean Croise

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

थु़र्मा 1:20

पत्रुसका र्‍वाक्‍ता, “हेङालोने कोमु काम्‍सोकु खाजेमडा आरेप्‍माम र्‍याक्‍मा बु, ‘मेरामकु बाखोप र्‍याङगो-र्‍याङगो दु़म्‍नु़, मा मेसिन्‍डा सु़ वो मेदु़म्‍मिनु़, मेरामकु खुन्‍चु़म वाङमिमका खुम्‍सिमिनु़।’

थु़र्मा 1:25

मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

थु़र्मा 13:48

वाङसामामिमका ओराम ल्‍वा थो़म्‍डिमा छो़म गेर्सिम्‍डी, मा माम्‍चु़नीकु सिजेमकाम लागि आलासो़ ग्‍वाम्‍डी। मेकोतिमा हेल्‍लो वो मेसिपा त्‍वारो़म ल्‍वामु र्‍वाक्‍साका छेट्‌मिडिम खोत्‍ले मु़चु़का थो़र लु़म्‍डी।

रोमी 11:30

हेङालोने कोबिलि गानी वो माम्‍चु़नीका र्‍वामिमिम मेथो़पा बान्‍नी, लावो इस्राएलीमिम माम्‍चु़नीका र्‍वामिमिम मेथो़पा दु़म्‍मिडिमका गानी उनीमा दिदाम ल्‍वान्‍निम बु।

रोमी 11:7

मेम माला मेर्मिमलाई हाम दु़स्‍ता मा? खोत्‍ले इस्राएलीमिमका उनी त्‍वाकु नका माल्‍मिडिम ल्‍वा मेडार्मिवा। लावो माम्‍चु़नीका थुट्‌मिडिम इस्राएलीमिमका कोङङा मेराम ल्‍वा डार्मिडी। वाङमिम खोत्‍ले इस्राएलीमिम लुङ होप्‍माम न-गोनुङमा दु़म्‍मिडी।

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

१ थेसलोनिकी 3:3

मेम्‍मा ओर्मिम दु़खाका गानीगोडाम सु़ वो उनी गो मेभ्रसिक्‍पा मेदु़म्‍मिनु़। गुकु आरेप्‍माम दु़खा ल्‍वामु लागिङा थुसिक्‍तोकोम र्‍वाक्‍पा गानी त्‍वाकाङा चनी।

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

१ तिमोथी 1:16

लावो छु़लचो़मिमगोडाम छो़म डोक्‍पु छु़लचो़ दु़म्‍साका वो गोलामका येशू ख्रीष्‍टका खोत्‍ले इम्‍सिक्‍साका रेम्‍बोमु चाम्‍मिनु़, मा गुमीडला थो़र लु़साका हेल्‍लो वो मेसिपा त्‍वारो़म ल्‍वापामिमकाम लागि गो कोले रेम्‍बेपा मु़चु़ दु़म्‍मु चापुनु़ र्‍वाक्‍साका न-थो़म ल्‍वाउतो।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

१ पत्रुस 2:10

कोबिलि गानी माम्‍चु़नीकु मु़चु़ मेबानिवा, लावो ओम्‍लो गानी माम्‍चु़नीकु मु़चु़ दु़म्‍निम बु। कोबिलि गानी माम्‍चु़नीलाम न-थो़म ल्‍वान्‍निम मेबायावा, ओम्‍लो गानी गुमीलाम न-थो़म ल्‍वान्‍निम बु।

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

२ पत्रुस 2:3

रारी बेपा दु़म्‍साका मेर्मिम सीपाका लिमा ल्‍वा बनेबेसाका गानीलाम खउलुङ रमी। मेर्मिमका देन्‍दे ल्‍वामी र्‍वाक्‍साका ङादोङा मुलु़ दु़स्‍ताम बु मा मेर्मिम पुयु़लुमी र्‍वाक्‍पा ल्‍वा बुहोङङा बु।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।