5 हेङालोने गानी खोत्ले ओलडाम नुङ नेम्फुम मु़चु़ सो़। सिन्थाम नुङ तुकुम्चिमडाम मु़चु़ गुइ मेएँ।
“मेकोतिमा मे खाप्ची रेपा मु़चु़का मिम्साका बु़डु़म खारी ल्वास्तु़मा खाप्चीचो़का उ नङ कोक्साड्डु़। मेम्साकाङा माम्चु़नीकु मु़चु़मिमडाम वो सु़म्दिसेरडाम मु़चु़मिमका वाङमिम मु़चु़नुङ छो़म मिम्साका खारी बोमी।
गानीनुङ ओल बुलोङा मेरामडला थो़रलु़नी। मेम्मा गानी ओलडा बाट्पा मु़चु़ होप्माम दु़म्नी।” येशूका ओर्मिम ल्वा र्वामु दु़म्मिडिमा मेलामका लम्डिमा मेर्मिमडाम थसिक्साका बाम्डी।
मा गाना मेर्मिमकु मिक्सी ह्वाक्साडामी, मेर्मिम तुकुम्चिमलामका ओलडा ख्लोम्सिमिनु़, मा शैतानकु यु़मलामका माम्चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्सी, मा माम्चु़नीका छेट्मिडिम मु़चु़मिमकु बाखोपडा मेर्मिमका बुमु ल्वामी।’
ङादो गानी तुकुम्चिमगोडा बान्नी, लावो आथा ने ङाचो़ येशूलाममिम ओलडा रोक्निम बु। मेम्मिमका आथाडा आनो गानी ओलचो़ होम्साका बानी दोनी।
लावो गुइ ने नेम्फुम मु़चु़ सो़, मेम्मिमका त्वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्चीख्रेम फम्सिमु बासी। मेम्मा येशूका सेल्सामी र्वाक्पा नाका बोपा-थार्पा खुचु़खुम खुम्सिमु बासी।
मेम मावो गानी बोमु बासिक्पा कोले नले ल्वा गानीलाई र्याक्तोङा बेउ। ओराम आच्छाङा ख्रीष्टडा बु मा गानीडा वो बु। हेङालोने तुकुम्चिम दाम्तोङा लेडु़ मा आच्छाङाकाम ओल ङादो आथामङा झ्वाहोम बु।