22 मेजो़पा खोत्ले ल्वाडाम वाङ बानी।
आकीमा खारीडा सु़का वो मेजो़पा मुमा मेबेन्किमिनु़ र्वाक्साका गुकु सु़काम वो लाम्दीडा खेल तुक्पा मेजु़ल्कु।
हुम-दडा, वा-ल्वाकनी, जो़पा नुङ कोमुका घ्रेट्पा ल्वामिम इनीमा नडा मिम्नी। मेर्मिम ल्वा: आच्छाङाकाम, डोक्पु मिम्मुका घ्रेट्पा, माम्चु़नीकु मिक्सीलामडा जो़पा, सेपा, द्वादीबुङ, सो़मुका घ्रेट्पा।
कोङनिमका गानीलाई मेजो़पा बेन्नी र्वाक्साका मेरामलाई वो मेजो़पा मेबेनी। खोत्ले मु़चु़मिमका डोक्पु मिम्मिडिम ल्वाडा कोङङा न सोक्नी।
मु़चु़मिमलाई नियाकु मुड्डाम ख्लुक्साका सेल्नी। मु़चु़मिमडला न-थो़म रेम्बेनी, लावो छो़म चङको-चङकोका मेम बेनी। मेर्मिमकु छु़लका घ्राम्लु़पा दु़म्मुडाम वाङ बानी।
मेम्मिमका गो हाम पेउ मेरामका थो़रलु़पा आमा वा-ल्वाकलाई छु़ल वामबेडु़ माला आथाडा आनो गो हेल्लो वो सो़ मेपेउ, मेम्साका वा-ल्वाकलाई छु़ल वाममेबेट्पु।
मेम्साका थो़रमेलु़पा मु़चु़मिमका इनीमा बेसी-पेसी जो़पा मिम्मी, मा गानी वाङमिमनुङ बिमु वो मेबासी।
गानी हाम थो़न्नी मेराम छाम्नी। मेम्मा जो़पा हाम बु मेराम रनी।
न-गो भ्रसिबेट्पा माम्चु़नीका खोत्लेडा गानीलाई सेपा दु़म्बेन्मिनु़। मेम्मा खोत्ले इनीमा मिरो़म, न-गो, साम ङाचो़ येशू ख्रीष्ट योमिलोसम्म हाम वो मेख्लो़ट्पा दु़म्बेन्मिनु़।
