१ थेसलोनिकी 5:13 - थुलुङ राई

¹³ मेर्मिमका खारी बेम्‍डिमका रिखाम बेसाका मेर्मिमलाई छो़म डोक्‍पु बेनी। खोत्‍ले मु़चु़नुङ दु़साका बानी।

१ थेसलोनिकी 5:13 Iomraidhean Croise

मत्ती 10:40

“उहेमका गानीलाई रनी, मेरामका गोलाई रङी। मेम्‍मा उहेमका गोलाई रङी, मेरामका गोलाई थु़र्पा पापलाई रङु़।

मर्कूस 9:50

“यो ने जो़पा ङा दु़म, योड्‌डा यो मेलु़ माला ने हामका यो लु़ बेन्‍मु मा? मेम्‍मिमका गानी इनी त्‍वाप-त्‍वापडा ङा यो जु़ल्‍सिट्‌नी, मा खोत्‍लेनुङ इनीमा न-गो भ्रहोम दु़बेट्‌निमा बानी।”

यूहन्‍ना 15:17

गो गानीलाई र्‍वाङुमिम ल्‍वा ओरामङा सो़: रिखाम बेबेनी।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

गलाती 4:14

मेम्‍लो गो नो़ङडोमका गानीलाई दु़खा दु़स्‍ता लोवो गोलाई मेद्‍वाक्‍साका हानो-हानोङा मेबेङ्‌निवा। लावो माम्‍चु़नीकु कोले पाह्रीचो़ नुङ येशू ख्रीष्‍टलाई बेन्‍निम होङ्‍ङा हुनाखाना बेङ्‌डिनी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 6:6

माम्‍चु़नीकाम सिजेमकु सीसि रपामिमका उनीमा सीपा मु़चु़मिमनुङ खोत्‍ले जो़पा थोकमिम दो़मु बासी।

एफिसी 4:3

माम्‍चु़नी-पेललामका गानीलाई दु़बेट्‌निमिम बु, हेल्‍लो लोवो न-गो भ्रसिक्‍तो ओराम दु़सीगोडा बुमुम बुमु माल्‍नी।

कलस्‍सी 3:15

ख्रीष्‍टका इनीमा न-गो थो़मिनु़ मा खोत्‍लेनुङ दु़बेनिमिनु़। हेङालोने दु़साका बुमु लागिङा माम्‍चु़नीका गानीलाई कोले मिरो़मडा येट्‌निमिम बु। मेम्‍मा गुमीलाई आलासो़ ग्‍वामु हेल्‍लो वो मेप्‍ल्‍वानी।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

२ थेसलोनिकी 3:16

न-भ्रसी बेट्‌पा ङाचो़ येशूका खोत्‍ले थारीका नुङ हेल्‍लो लोवो इनीमा न-भ्रसी बेन्‍मिनु़। गानी खोत्‍लेनुङ ङाचो़ येशू दु़म्‍मिनु़।

२ तिमोथी 2:22

मेम्‍मिमका स्‍वालादुडाम मेजो़पा खारीडाम वाङ बाया, सेपा न-गोका माम्‍चु़नीकाम नङ रपामिमनुङ कोयोङा माम्‍चु़नीकु न होङ्‍ङा बेपा थो़र बोमु, रिखाम बोमु नुङ न-भ्रसिबेन्‍मु न बे।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

याकूब 3:18

न-थो़म घ्रो़म्‍बेट्‌पामिमका न भ्रसी बेन्‍मिमिमका माम्‍चु़नीका मेर्मिमलाई जो़पा मिम्‍मी।